I jemi mirënjohës përjetësisht presidentit historik, dr. Ibrahim Rugova

Presidentit historik të Kosovës, dr. Ibrahim Rugova i jemi mirënjohës për pavarësinë e Kosovës


I jemi mirënjohës përjetësisht presidentit historik, dr. Ibrahim Rugova




E nderuar redaksi e gazetës kombëtare "Bota sot".
Kosova para disa ditësh kishte ditëlindjen, shfrytezojmë nga rasti të urojme stafin drejtues për vitin e parë që mbushi Kosova. Edhe kombëtarja "Bota sot" rrugëtoi të njëjten rrugë dhe sakrificë deri në pavarësi. Duam që sikurse Kosova edhe kombëtarja "Bota sot" të rrugëtojnë bashkë në sfidat që presin Kosovën dhe popullin e saj. "Bota sot" ndihmoi popullin që nga dalja e saj dhe vazhdon të ndihmojë edhepse pati vështirësi ashtu siç dhe vet Kosova deri në pavarësi. Kosova feston një vjetorin pa arkitektin e saj dhe liderin historik dhe me të fuqishmin politikisht të të gjitha hapsirave shqiptare në Evropën Juglindore. Me presidentin historik dr. Ibrahim Rugovën do të ishim më ndryshe, më të pasur politikisht në arenën ndërkombëtare me një fytyrë tjetër. Ndërkombëtarët do të kishin një çasje tjetër për Kosovën, rruga do të ishte më e shkurtër për inkuadrim në mekanizmat ndërkombetarë. Do ta donim të ishte kur të bëhet përurimi i rrugës nacionale dhe ndërkombetare që na lidhë me Evropën përmes detit Adriatik, pra konkretisht në Durrës, këtë projekt e kishte në zemër, e dinte rëndësinë e këtij projekti që lidhë shqiptarët dhe të tjerët. Në fillm kur lansoi projektin me rëndësi të veçantë për rrugën Morinë - Durrës, e majta gjithëshqiptare qeshte, qeshnin se në mendjen e tyre nuk kishte interesim për lidhjet shqiptare. Shqiptarët kudo të jenë do të jenë mirënjohës përjetësisht presidentit tonë historik, dr. Ibrahim Rugovës për të gjitha kontributet shtetërore. Edhe në ditët më të vështira sygjeroi popullin që ka të drejtë të mbrojë çdo gjë kosovare, që nga pragu i shtëpisë, tokën dhe territorin e Kosovës, shkollen dhe te gjitha institucionet që me shekuj ishin ndërtuar nga populli heroik i Kosovës.

Daut Kabashi, Suedi