Z. ILIR ÇUMANI, Drejtor i Përgjithshëm i Institutit Kombëtar të Integrimit të Jetimëve Shqiptarë i jepet Titulli: “AMBASADOR PËR PAQEN”

E-mail nifao.orfan@gmail.com

FEDERATA E PAQES UNIVERSALE
U zhvillua Konferenca Ndërkombëtare mbi Lidershipin
“LIDERSHIPI DHE QEVERISJA E MIRË”
Në Hotel “Tirana Internacional”, Tiranë – Shqipëri
Nga ora 10:30 deri më 18:30 – 13 Mars 2009

13 Mars 2009



U zhvillua në Tiranë konferenca 1 ditore me titull: “Lidershipidhe Qeverisja e Mirë”. Kjo konferencë e rëndësishme u organizua nga Federata e Paqes Universale (Botërore) në bashkëpunim me Ambasadorët e Paqes në Shqipëri për të eksploruar elementët themelorë të nevojshëm për realizimin e paqes së qëndrueshme, qeverisjes së mirë dhe zhvillimit njerëzor. Konferenca u zhvillua në ambientet e hotel “Tirana Internacional” në Tiranë më datë 13 Mars 2009. Konferenca Ndërkombëtare mbi Lidershipin është pjesë e Turneut të Paqes Globale i cili ka fillua më 15 Shkurt.

Në foto: ish-Presidenti z. Alfred Moisiu, z. Shezai Rrokaj dhe z. Ilir Çumani. Pamje nga salla ku u zhvilluan punimet e Konferencës Ndërkombëtare mbi Lidershipin, Hotel Tirana – International, 13 Mars 2009
Turneu i Paqes Globale, i cili ka fillua më 15 Shkurt 2009, do të mbahet në 194 vende në të gjithë botën për të promovuar dhe inkurajuar paqen dhe harmoninë midis racave, kulturave, kombeve, besimeve fetare dhe për te celebruar së bashku arritjet e bëra nga të gjithë aktorët që i janë dedikuar këtij qëllimi madhor - Paqes.

Në foto: Ambasadori Lisen Bashkurti dhe Ilir Çumani,
punimeve t veprimtarisë, 13 Mars 2009 Në Foto: ish-Presidenti z. Alfred Moisiu, z. Gaqo Apostoli, z. Gani Rroshi, 13 Mars 2009


Federata e Paqes Universale është një aleancë globale e udhëheqësve të jetës politike, akademike, fetare, të shoqërisë civile, individëve dhe organizatave që i dedikohen ndërtimit të një bote të paqes në të cilën të gjithë mund të jetojnë në liri, harmoni, bashkëpunim dhe prosperitet të përbashkët. Federata e Paqes mbështet projekte edukimi që synojnë zhvillimin e karakterit, dashurinë e pastër, të forcojë martesën dhe familjen, parandalimin e SIDAs, zhvillimin e qëndrueshëm dhe arsimin, si edhe një program të gjerë me projekte shërbimi dhe ndihme. Përpjekjet për të krijuar një qeverisje të mirë përfshijnë mbështetjen e krijimit të një Këshilli ndër-religjioz pranë OKB-së dhe një seri samitesh botërore me këtë tematikë.

Në foto: ish-Presidenti z. Alfred Moisiu, z. Shezai Rrokaj dhe z. Ilir Çumani, z. Lisen Bashkurti, etj. Pamje nga salla ku u zhvilluan punimet e Konferencës Ndërkombëtare mbi Lidershipin, Hotel Tirana – International, 13 Mars 2009


Konferencën e nderuan me pjesëmarrjen e tyre; Kryetari i Federatës së Paqes Universale Botërore Dr. Chung Hwan Kwak dhe Sekretari i Përgjithshëm i saj Prof. Dr. Tomas Walsh.

Në foto: ish-Presidenti z. Alfred Moisiu duke referuar në këtë Konferencë, dhe në panel znj. Lavdie Ruci, Kryetare e Federatës së Paqes-Shqipëri, z. Gaqo Apostoli dhe z. Gani Rroshi.

Në foton tjetër z. Lisen bashkurti, z. Ilir Çumani, etj. Pamje nga salla ku u zhvilluan punimet e Konferencës Ndërkombëtare mbi Lidershipin, Hotel Tirana – International, 13 Mars 2009

Konferenca përfshiu fjalë nga personalitete të larta, një seri prezantimesh informuese si edhe kohë të mjaftueshme për diskutime dhe pyetje të hapura.

Gjithashtu në këtë veprimtari morrën pjesë afro 350 personalitete nga fusha të ndryshme e jetës politike e publike, nga Kosova, Shqipëria, Maqedonia, Mali i Zi, etj.

Ceremonia u çel me një dokumentar të shkurtër që bën fjalë për rolin që ka luajtur dhe luan “UNIVERSAL PEACE FEDERATION” në rafshin global.

- Punimet e kësaj Konference i përshëndeti z. Gaqo Apostoli – Anëtar i Këshillit Global të Paqes, i cili ishte edhe moderatori i kësaj Konference.

- Mbi rolin e FPU dhe Ambasadorëve të Paqes në proçeset e zhvillimit të vendit folën z. Alfred Moisiu - ish President i Republikës së Shqipërisë, dhe znj. Lavdie Ruci – Kryetare e Federatës së Paqes – Shqipëri.

- Për aktivitetet e FPU në Shqipëri që nga themelimi i saj, foli z. Gani Roshi – President i Federatës së Familjes – Shqipëri.
Në pjesën e dytë të punimeve të kësaj Konference, me temë “Lidershipi dhe Qeverisja e Mirë”, kjo seancë u moderua nga z. Flamur Shehu – Kryetar i Komitetit për Marrëdhënie me Publikun, FPU.

- Në diskutimin me temë: “Paqja e qëndrueshme dhe Qeverisja e Mirë”, folën znj. Zamira Sinoimeri (Çavo) – Dekane, Universiteti “Marin Barleti” dhe z. Astrit Memia – zv.Kryetar i Federatës së Paqes për rajonin e Ballkanit.

- Në diskutimin “Lidershipi i vërtetë i ka rrënjët në Parimin e të jetuarit për hir të të tjerëve”, foli z. Jang Dug Bong – Drejtori i Federatës së Paqes për Rajonin e Ballaknit.

-Në pjesën e tretë të këtyre punimeve me temë: “Për një Paqe dhe Zhvillim të Qëndrueshëm në Shqipëri dhe më gjerë”, moderator ishte z. Shezai Rrokaj – Kryetar i Këshillit Kombëtar të Paqes.

- Në diskutimin me temë: “Familja si shkollë e dashurisë së vërtetë dhe paqes botërore, foli z. Robert Williamson – Kryetar i Federatës së Paqes, Skoci.

- Në diskutimin mbi “Rilin e Tolerancës, Harmonisë dhe Dialogut Ndërfetar për një Paqe dhe zhvillim të Qëndrueshëm në Shqipëri dhe më gjerë, folën zotërinjtë Tomiko Duggan – Përfaqësuese e Federatës së Paqes Universale dhe z. Hydajet Hyseni – Kryetar i Federatës së Paqes, Kosovë.

- Në diskutimin “Federata e Paqes Universale dhe Vizioni i saj për Paqen Botërore, foli Dr. Yong Chel Song – Kryetar i Federatës së Paqes Universale , Evropë.

Në fund të veprimtarisë u zhvillua ceremonia e emërimit të Ambasadorëve të Rinj të Paqes.

Në Foto: Drejtori i Përgjithshëm i Institutit Kombëtar të Integrimit të Jetimëve Shqiptarë, z. Ilir Çumani, gjatë ceremonisë së marrjes së titullit “AMBASADOR PËR PAQE”, “AMBASSADOR FOR PEACE” , për vitin 2009, T iranë më 13 Mars 2009 AMBASADOR PËR PAQEN