Maki Canolli:Në mbrëmjen muzikore te "Flaka e Janarit" - Presheva anashkalohet

nga **Agim Gashi** Tue Feb 01, 2011 1:27 am

Maki Canolli:Në mbrëmjen muzikore te "Flaka e Janarit" - Presheva anashkalohet
Flaka e janarit këtë vit shënoi 20 vjetorin e saj. Por, në mbrëmjen muzikore asnjë këngëtarë nga Lugina e Preshevës nuk ftohet që të përfaqësoj atë pjesë të Kosovës. Unë para dy vitesh shkruajta tekstin "Th'rret Presheva", por si duket kjo këngë është pengesë e dikujt apo ndoshta ka rënë në "veshët e shurdhër". Përderisa këngëtari preshevar B. Halimi rrezikon dhe e merrë këtë tekst dhe e këndon mu në "gojë të ujkut" si thotë një fjalë popullore, kosovarët as që ia vënë veshin kësaj kënge të cilën do ta quaja më shumë Kushtrim - apo thirrje për bashkim!
Teksti i kësaj kënge nuk është thjeshtë vetëm një këngë vetëm për t'u kënduar por ai përmbanë në vete një realitet e mbi të gjitha bënë thirrje, përmban në vëte edhe Kushtrimin e asaj pjese të Kosovës, që fatkeqesishtë sa është në dorën e shkieve aq është në mëshirën e fatit. Kjo këngë më tepër i është kushtuar 10 ish ushtarëve të UCK-së të cilët u burgosën nga forcat sërbe në dhjetorin e vitit 2008 dhe u dënuan këto ditë me 101 vite heqje lirije. Un si vetë autore e tekstit në shenjë revolte dhe dhimbje në zemër , përmes këtyre vargjeve jam solidarizuar me vëllezërit dhe motrat preshevare, për padrejtësitë dhe dhunën që po bëhet ndaj tyre në tokat stërgjyshërore. Organizatorët e mbrëmjes muzikore vitin e kaluar janë arsyetuar se "Kjo këngë përmbanë në vete edhe një thirrje për bashkimin e trojeve shqiptare, si dhe si të këndohet kjo këngë kur në akoma nuk e kemi përmbushur amanetin e të rënëve dhe është thuajse edhe "një mallkim në vete"!
Nëse kjo këngë mes të tjerash thotë:
"Do t'ju mallkojnë trimat nga varri
e historia kurrë s'do t'jau fali,
k'to trojet tona që si bashkoni
do t'ju mallkojë o përjetë kombi..."
Dhe një amanet i tillë i të gjithë të rënëve për liri që ju përgjigjën krismave të pushkës së Adem Jasharit, athere shtrohet pyetja:
Kush ishte Ai që e shkruajti thënjen "BAC U KRY"!!!
Unë do të thoja:
"Bac, jo nuk u kry por na gënjyen Ty dhe neve!
Flaka e janarit u përkushtohet trimave të lirisë, por fatkeqësisht aty nuk u dëgjua as kënga e preshevarit dëshmor, komandant "Deltës" me titullin "Jo s'ka vdek Bardhyl Osmani"! Athua vallë edhe kjo këngë nuk e pat vendin aty, apo...!
Në atë mbrëmje u këndua kënga pë Camerinë nga ENKELEJDA ARIFI & SHYQERI ALUSHI, c'fare të keqe do të kishte sikur të këndohej edhe kënga "Th'rret Presheva"?! Apo, ndoshta kryetarit të Preshevës kjo as që i interesoi e aq me pakë që i mungoi ndonjë këngë për Preshevën!
Përderisa kosovarët rrinë në heshtje dhe të painteresuar që t'i ftojnë këngëtarët preshevarë në mesin e tyre, t'i ftojnë rininë preshevare në cdo aktivitet kulturorë, sërbëve vetëm u hapet rruga që të shtrojnë dhunë mbi ta dhe t'i shpërngulin akoma më shumë, sepse ata e kuptojnë se askujt nuk i intereson më për ta.
Duhët të jemi në rrugën e Tahir Sinanit (tropojan -dëshmor), Skerdilajd Llagamit (tiranas - dëshmor), Afrim Rexhepit (preshevar -dëshmor), Bardhyl Osmanit (preshevar -dëshmor),e shumë trimave të tjerë, për të cilët cdo cep i trojeve shqiptare ishte ATDHE!
Veprime dhe mospërfillje të tilla, qojnë ujë në mullirin e armikut, ndërsa vërtet neve do të na mallkojë kombi e do të shkruan historia! Kjo më dhëmb ne shpirtë, por thënja e Nolit të madh:
"Mbahu nëno mos ke frikë se ke djemt në Amerikë" më jep kurajo dhe shpresë, se një ditë do t'i hiqen kthetrat e kulshedrës sërbe edhe asaj pjese që e ka emrin KOSOVE!

M.C
31 Janar, 2011
U.S.A

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30