Mentor Thaqi:NË NDERIM TË USHTARËVE SHQIPTAR QË VININ NË ARKIVOLE PARA DHE GJATË LUFTRAVE TË FUNDIT!!!

nga **Agim Gashi** Thu Feb 10, 2011 2:02 am

Mentor Thaqi:NË NDERIM TË USHTARËVE SHQIPTAR QË VININ NË ARKIVOLE PARA DHE GJATË LUFTRAVE TË FUNDIT!!!

THYERJE NERVASH, PLAGË SHPIRTI

E mbaj mënd, dikurë, në atë ushtrinë e huaj,
kur bënim shërbimin, pa dëshirën tonë,
e patëm të rëndë, katrahurë, dita sa një muaj,
duhej bërë betimin, kundër vetes sonë!

Ishim të urryer, nga shovenët urrejtës,
në vizir na mbanin dhe në thumb shënjestre,
po kujt i ka pëlqyer, soji i jo ndërgjegjës,
që dhe Zotin shanin, ai lloj turp-krijese?!

E na ndiqte vdekja, çdo ditë hap pas hapi,
kurtheve të ngritura, skenareve t´montuara,
një herë s´na u ndal ndjekja, plumbi shpesh i kapi,
shumë mëndje të ndritura, n´mistere t´pa zbuluara!

Ishte Paraçini, Zagrebi, Banja Lluka, Nishi, ...
dhe dhjetra të tjera, me namin e keq,
parapregaditej krimi, montohej mjedisi,
dhe kriste potera, merre vesh o dreq!

Dikë priste plumbi, litari apo burgu,
kazamatet sllave, stërmbushur me shqiptar,
n´zemra dhimbja, shkrumbi, jetëzezë si petkë murgu,
ah, Serbi i vrave, po ishin veç ushtar!

Diku qe Azizi, Gjakli apo Desku?!
Ishte dhe Oruçi, me dhjetra të tjerë,
thanë, se pushka krisi, n´terr para mëngjesi,
gjaku tokën skuqi, ah Kosovë e mjerë!

Përplot Arkivole, t´mbyllura me blind,
s´bënte as t´i hapnim, mister i përjetshëm,
po bëre dhe fole, do merrje ndëshkim,
a mund t´falim gjakun, shkjaut, hasmit tim?!

Edhe më i rëndë, ishte provokimi,
na e shanin Shqipninë, ah, zemra pëlciste,
thoshin: Do e bëjmë, një cak granatimi,
që t´mos ketë Albani, veç troje sllaviste!

N´zemrat tona t´njoma, zjarr, na vlonte gjaku,
si tetëmbëdhjetë (18) vjeçarë, të rinjë t´sapo pjekur,
po kush shkelë trojet tona, sjellë kob ke pragu,
se jemi t´gjithë shqiptar, marrim gjak mbi vetull!

Eh, duhej gëlltitur, dhimbjen provokuese,
dhe shtrënguar dhëmbët, për një ditë më vonë,
se mirë e kem ditur, s´ishte befasuese,
do përvilnim mëngët, n´Luftë për Lirinë tonë!

Sot përplot Lulëkuqe, mbi varre ushtarësh,
qoftë të para Luftës, apo të tjerë më vonë,
me Respekt, n´përulje, përballë Lapidarësh,
t´gjakut të Teutës, se janë Nderi Jonë!!!

Mentor Thaqi VS., 09.02.2011

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30