Në Krush të Madhe kërkohet zbardhja e fatit të 70 personave

nga **Agim Gashi** Thu Feb 17, 2011 9:51 pm

Në Krush të Madhe kërkohet zbardhja e fatit të 70 personave

Përvjetori i pavarësisë e gjen Krushën e Madhe të ringjallur, dinamike, duke vazhduar jetën normale dhe duke festuar përvjetorin e tretë të Kosovës shtet. Krusha edhe në këtë përvjetor kërkon zbardhjen e fatit të rreth 70 të pagjeturve nga lufta.
Megjithatë, krushjanët po përpiqen të ndërtojnë një jetë të re për fëmijët e tyre.
Në përvjetorin e tretë të pavarësisë, Krusha e Madhe ndihet krenare për punën që po bën dhe për gjallërinë që u ofron fëmijëve të cilët rriten me kujtimin për baballarët e rënë dhe përpjekjen e palodhur të nënave për sigurimin e së ardhmes. Krusha me 241 të vrarë, prej tyre rreth 70 ende të pagjetur, me mbi 500 fëmijë jetimë dhe shumë gra të veja, i është kthyer jetës, dinamikës së përditshme, duke rritur brezat e rinj të kësaj ane.
Kryetari i fshatit, Kadri Dollova, tha se ky përvjetor e gjen Krushën më të përgatitur dhe më krenare, sepse ka dhënë shumë për lirinë e Kosovës. “Prandaj kjo na bënë krenar neve sepse në e deshëm lirinë...”
Fahrie Hoti, nënë e dy fëmijëve, përfaqësuese e shoqatës “Gratë e veja të Krushës”, e cila që nga viti i kaluar funksionon si kooperativë bujqësore, tha se kanë mbledhur të gjitha forcat të punojnë për të arritur atë, që Krusha sot të duket ndryshe.
“Kanë ndryshu shumë gjëra....”
Ajo që i brengosë më shumë krushjanët, është ende fati i personave të pagjetur. Krusha me rreth 7 mijë banorë, tani më ka infrastrukturën e duhur për jetesë normale. Krusha ka filluar të marrë tiparet jo më të një fshati, por të një zone urbane, ndërsa banorët shpresojnë që të bëhet edhe komunë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30