Tahiri: Kosova vlerëson dialogun si vlerë demokratike dhe evropiane

nga **Agim Gashi** Tue Mar 01, 2011 10:07 pm

Tahiri: Kosova vlerëson dialogun si vlerë demokratike dhe evropiane

Zëvendëskryeministrja, Edita Tahiri ka thënë të martën Republika e Kosovës do të ketë një frymë konstruktive dhe kreative gjatë dialogut me Serbinë, që sipas saj do të jetë ekskluzivisht i karakterit teknik për zgjidhjen e çështjeve praktike, që kontribuojnë në përmirësimin e jetës së qytetarëve dhe përshpejtojnë integrimet.

Udhëheqësja e delegacionit të Kosovës për bisedimet me Serbinë, Edita Tahiri gjatë ditës ka pritur në një takim Përfaqësuesin Civil Ndërkombëtar në Kosovë, Pieter Feith.

Ky iu fundit vlerësoi rëndësinë e krijimit të institucioneve të reja të shtetit të Kosovës dhe përshëndeti gatishmërinë e Kosovës për dialogun teknik midis dy shteteve të pavarura, Republikës së Kosovës dhe Republikës së Serbisë dhe theksoi se ky dialog do të kontribuojë në përmirësimin e jetës së qytetarëve dhe fuqizimin e agjendës evropiane për Kosovën.

Ndërkaq zëvendëskryeministrja Edita Tahiri falënderoi Piter Feithin për bashkëpunimin e vazhdueshëm dhe përkrahjen që ICO ka ofruar për Kosovën, si dhe qëndrimi i tij si partner serioz ndërkombëtar në proceset e konsolidimit të shtetit të ri të Kosovës.

Përmes një komunikate pë media bëhet e ditur se Tahiri në takim me Feithin ka folur edhe për vizionin e politikës së jashtme të Kosovës dhe përcaktimet për integrime euroatlantike dhe në këtë kuadër potencoi rëndësinë ë bashkëpunimit rajonal dhe marrëdhëniet e fqinjësisë së mirë mes vendeve të rajonit.

Zëvendëskryeministrja Tahiri në veçanti u ndal tek dialogu teknik midis Kosovës dhe Serbisë, me ç’rast theksoi se Kosova e vlerëson dialogun si një vlerë demokratike dhe evropiane.

“Republika e Kosovës do të këtë një frymë konstruktive dhe kreative dhe dialogu do të jetë ekskluzivisht i karakterit teknik për zgjidhjen e çështjeve praktike, që kontribuojnë në përmirësimin e jetës së qytetarëve dhe përshpejtojnë integrimet e Kosovës në BE , NATO dhe institucione tjera ndërkombëtare”, u shpreh zv. kryeministrja Edita Tahiri.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30