Mentor Thaqi:RECIPROCITETI NËN PETKUN KOMBËTAR PËR NEVOJAT E PËRBASHKËTA....

nga **Agim Gashi** Sat Mar 12, 2011 10:15 pm

Mentor Thaqi:RECIPROCITETI NËN PETKUN KOMBËTAR PËR NEVOJAT E PËRBASHKËTA....

12/03/2011.. Politikat tona Shtetërore në interes të bashkëkombasve tanë në mërgim,janë aq anemike jo vetëm në shikim të parë, sa edhe në jetën e përditshme.

Përveç retorikës me refren të përsëritur nga mësuarja përmendësh, në realitet nuk ka asgjë nga proklamimi se Institucionet tona
dy-Shtetërore janë të angazhuara maksimalisht në përkrahje dhe lehtësim të jetës së mërgimtarëve tanë në shtetet ku ata punojnë dhe jetojnë, por
me nënshtetësi të ruajtura nga Trungu Etnik prej nga vijnë! Njerëzit tanë
në mërgim, vuajnë edhe për të drejtat më elementare në mungesë të organizimit të mirëfilltë institucional, gjë që edhe ndikon në mosrealizimin e shumë të drejtave të tyre në vendet ku ata gjenden. Një bashkëveprim
institucional midis dy Shteteve tona (Republikës së Shqipërisë, Republikës së Kosovës e pse jo edhe Republikës së Maqedonisë, personelit shqiptar
në Përfaqësitë Diplomatike) për të mirën e Mërgatës, nuk është vetëm
çështje e vullnetit të mirë ndërpalësh, por parasëgjithash, një domosdoshmëri imediate e kohës në ruajtjen dhe mbrojtjen e Identitetit Kombëtar të Mërgatës. Mbetet detyrë urgjente e dy Parlamenteve tona,
e dy Komisioneve Parlamentare për Çështje të Emigracionit (diç të tilla)
dhe e dy Ministrive qoftë të Mërgatës (nëse ekzistojnë) apo Drejtorive për Çështje (jo)Rezidente, një përpilim-harmonizim i Projektligjit dhe ratifikimit parlamentar për çështjet në fjalë, ku iu lejohet organeve gjegjëse një mundësi e ndërsjellë përkujdesjeje për Mërgatën Kombëtare, duke anashkaluar pengesat byrokratike ndërshtetërore apo edhe nga vazaliteti ndërkombëtar! Me këtë rast, Përfaqësitë tona Diplomatike (Ambasadat dhe Konsullatat) do mund të ipnin kontributin e tyre shumë të madh në futjen nën "Ombrellën Institucionale Mbarëkombëtare" të Mërgatës sonë pa dallim prejardhjes regjionale. Përshembull: Republika e Shqipërisë do mund ta mbulonte bukur Greqinë dhe Italinë, jo vetëm për Mërgatën nga Republika e Shqipërisë, por atë Mbarëkombëtare, Republika e Kosovës të njëjten gjë do mund ta bënte në Gjermani e Zvicër, pastaj në Belgjikë, Austri, Holandë, Francë, Britani të Madhe, e gjetiu, bukur do funksionin edhe vet Misionet mikse të të dya Shteteve tona. Pse të mos mund të organizojmë dhe mbajmë Votimet (Zgjedhjet) Parlamentare të Shteteve tona në Përfaqësitë tona Diplomatike, kur shtete shumë më të mëdha se tonat (psh. Italia) e bëjnë pa fije problemi një gjë të tillë, në përputhje me Rregulloret e Sistemeve Zgjedhore përkatëse?! Shkurt, një
bashkëveprim miks institucional, do ndihmonte maksimalisht çështjen e
luftës kundër asimilimit kombëtar në mërgim, shkollimin plotësues shqip,
integrimin tonë në vendet përëndimore pa e humbur lidhjen me Trungun Etnik, Organizimin Kulturor, etj.! Thjeshtë, është e mundur, nuk kushton
edhe aq sa të arsyetohet mosveprimi, është domosdoshmëri kohezive,
do ngjallte shpresat tona se nuk jemi të harruar, të injoruar dhe të destinuar për asimilim! Uroj që kjo kërkesë të shkon në veshët kompetent! Amin e Amen!
Mentor H. Thaqi (Dukagjinasi)
VS-Villingen,

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30