Gazi Buxheli: Për Shtatë nga Rrënjët e Kombit

nga **Agim Gashi** Fri Mar 18, 2011 2:49 am

Gazi Buxheli

PER SHTATE NGA RRENJET E KOMBIT

(Cikël poezish, për konkursin e Kryengritjes së M. Madhe )

1-ABETARIA

Armaturë gërmash

Abetaria e Klasësë së parë,

Levë Arkimedi,

Me vlerëne syve në ballë…

2-SKENDERBEU

Edhe jeta, edhe vdekja

kishin vlerën e Lirisë,

veç të dyja dhënë asaj

si mbivlerë e Shqipërisë…

As jeta, as dhe vdekja,

s’kishin vlerë lirie

pa shpatën dorë rënduar,

e përkrenare përmbi krye…

Nuk ish shpata trimëria,

as hija mbitrimit,

thellë në zëmër që të dyja

kishin rrënjët e betimit…

3-NENE TEREZA

Në thellësitë oqeanike

botën për të shëruar

cektësia e çuditshme

e vetvetes së harruar,,,

…në cektinën e çuditshme

të vetves në harrë,

thellësia oqeanike

e mjrnjohjes si kujtesë.

4-KRYENGRITJA E MALESIA E MADHE

Mbi supe malesh robëria

hedhur mantele frike,

thellësive oqeanike liria

në lëvizje tektonike…

…që solli përplasjen e rëndë,

me tundje malesh e dridhje fushash,

në ditët pa diell, e netëvë pa hënë

flamur i përgjakur, në gryka hutash…

s’kish atje mbitrima dheu,

As Herkul mitologjie,

por malsor me ngjasi Anteu,

këmbëgulur, në ëndërra lirie.

5-ALI PASH TEPELENA

Barrë të rëndë pate mbi supe,

Ali Pash Tepelena,

Vet i parë në tavolinë,

vetë me shpatë nëpër bedena…

…erdhi fund i trimëruar,

kokë e trup prerë e ndar:

dor’ e shpatës në Janië,

në Stamboll mjekër e bardhë…

S’kish Pashai tjetër fund,

veç mbetur më shapatë në dorë

shpat’ e rëndë bedenash mprehur,

mjekër e bardhë lyer me borë.

6 -ISA BOLETINI

Përkulur në gjunjë,

me buzët mbi flamur,

përjetësisht në kujtesë

si gdhëndje mbi gur.

7-LUIGJ GURAKUQI

Pena vlente sa pushka,

mbase edhe më shumë,

kur Atdheu ish në rrezik

e i rrezikuar flinte gjumë.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30