Xhafer Leci: Shkolla Shqipe ruan identitetin e mërgimtarëve

nga **Agim Gashi** Fri Mar 25, 2011 10:36 pm

Xhafer Leci: Shkolla Shqipe ruan identitetin e mërgimtarëve

Me fat shkolla e re fëmijë dhe prindër shqiptarë!

Xhafer Leci: Shkolla Shqipe ruan identitetin e mërgimtarëve U1_ShkollaShqipe

Për herë të parë në qytezën Reichenbach/Fils-Baden-Württemberg të Gjermanisië, më datën 16.03.2011, u hap një paralele me mësim plotësues në gjuhën shqipe. Këtë mbledhje me prindër dhe nxënës e thirri dhe kryesoi z.Islam Shahini, i cili në fillim përshëndeti të gjithë të pranishmit, i falënderoi për përkrahje të gjithë ata që ndihmuan për hapjen shkollës, e sidomos falënderoi stafin e shkollës Lützelbachschule në krye me Rektorin z.Gerchard Jung.

Iniciativën për hapjen e kësaj shkolle e kishte marrë z. Stefan Nikëprelaj.

Ndërsa punët tjera i ka kryer z. Islam Shahini, i ndihmuar nga Hamzë Ibrahimi, si për regjistrimin e nxënësave, kontaktet me Rektorin e Shkollës Lützelbachschule z.Gerchard Jung, me konsullatën e Republikës së Kosovës në Stuttgart, zëvendëskonsullin z.Ymer Lladrovci, me veprimtarin e vjetër Xhafer Leci, i cili e kishte njoftuar dhe vënë në kontakt me mësuesen Teuta Morina, Këshillin e Arsimtarëve në Gjermani, mënyrën se si veprohet në rrugë institucionale.

Me këtë rast janë regjistruar 23 nxënës, të moshave të ndryshme, të ndarë në dy grupe mësimi. Z.Islam Shahini, tha se "numri i nxënësve të interesuar për të ndjekë mësimin në gjuhën shqipe, do të shtohet shumë shpejt". Në këtë takim u fol për plan-programin mësimor etj. U diskutua edhe për ta ndihmuar, sado pak, mësuesen materialisht për transportin. Mësuesja Teuta Morina, në mes tjerash, tha se "edhe unë si çdo mësues, arsimtar jam e gatshme falas t`i mësoj fëmijët tanë". Prindërit u zotuan se vullnetarisht do të paguajnë nga 10 euro, në muaj, për sejcilin fëmijë - nxënës. Zonja Teuta, më datën 27.03.2011, do të marrë pjesë në mbledhjen e caktuar të LASH-it “Naim Frashëri” në Mannheim, ku do të bëhet edhe shpërndarja e teksteve mësimore. Për Këshillin e prindërve u zgjodhën 3 gra, zonjat: Nebahate Shahini, Zoja Durmishi dhe Naime Gashi.

Serioziteti i hapjes të shkollës shqipe me qëllim të ruajtjes të identitetit kombëtar të fëmijëve mërgimtarë, dëshmohet me faktin se qysh në ditën e parë të fillimit të mësimit plotësues, më datë 18 mars 2011, të gjithë nxënësit ishin të pranishëm në orët mësimore.

Me fat shkolla e re fëmijë dhe prindër shqiptarë!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30