Mentor Thaqi:DO KETË APO JO KOALICION, PYETJE QË DO MERR PËRGJIGJE MË VONË KUR TË HUAJT FJALËN DO E THONË!!!

nga **Agim Gashi** Sun Apr 03, 2011 1:38 pm

Mentor Thaqi:DO KETË APO JO KOALICION, PYETJE QË DO MERR PËRGJIGJE MË VONË KUR TË HUAJT FJALËN DO E THONË!!!

Ç´KOALICIONI I KOALICIONIT!

Mbretëron interesi,
e nuk harrohet vesi,
nëse s´më del n´fjalë,
as dekikun s´ta falë!

Epo, hajnia e votës,
na turpëroi para Botës,
harami doli n´shesh,
me veten bien n´desh!

Veçse harruan shpejt,
sa shumë na paten rrejtë,
se Interesi Kombëtar,
do del në Rend të parë!

Tash i doli dhe fundi,
krejt kot iu shkoj mundi,
iu dolën të palarat,
hilet fillojnë nga të parat!

Qysh e bënë dhe gjetshin,
i marrtë pusi të gjithë,
as për dëshmitar mos mbetshin,
Ju shëndosh qofshi o Miq!

Qeveri e ligë matrapaze,
që veç dëm i sjellë k´saj faze,
thjeshtë, Qeveri Minoritare,
i mungon shumica Shqiptare!

Me vota të rezervuara,
bëhen hesape të kamufluara,
i bekuan shpejt të huajt,
që lojen më lehtë me luajt!

Dhe, sërish krizë pas krize,
po plasë barku prej kërthize,
më shum brengoset Serbia,
Dialogu me tri pikëpyetje t´kqia!

Ato 6 Pikët e Ban Ki Moonit,
dolën kuq si bythë e Majmunit,
cili është ai që guxon t´nënshkruaj,
Kapitullim me Bekim të huaj?!

Opozita nuk merr guximin,
që Pushtetit të bëj bekimin,
për hater as me zor s´bëhet Amin,
përndryshe, me shëndet Tradhëtinë!

Kush lejon të shitet Posta,
me vlerën katër fish më t´vogel,
me përqindje ndahet për Bosa,
e Shteti merrr veç dushk për gogel!

Atëhere, kriza vazhdon,
qoftë me zgjedhje o me vjedhje,
se hajnia do t´vazhdon,
do ketë sërish tjera qafdredhje!

Në daçi mbajeni e në daçi jo,
Koalicion me marrëveshtje,
po ju thëm, është poshtërsi kjo,
gjërat që shihen s´mbahen n´heshtje!

Mentor Thaqi VS., 02.04.2011

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30