30 ditë paraburgim për kryetarin Kuçi

nga **Agim Gashi** Tue Apr 05, 2011 5:42 pm

30 ditë paraburgim për kryetarin Kuçi

Bota sot

30 ditë paraburgim për kryetarin Kuçi 1Blerim-Kuqi

Blerim Kuçi duke dalë nga makina e EULEX'it , para Gjykatës së Qarkut në Prishtinë

(I plotësuar) Blerim Kuçit, i cili është marrë sot në pyetje nga Gjykata, i janë caktuar 30 ditë paraburgim, për shkak të refuzimit që të dëshmojë në rastin Limaj, të dyshuar për krime lufte.

Tashmë pritet dërgimi i tij nga gjykata për në qendër të paraburgimit.

* * * * * * *

Arrestimi i Kuçit nga EULEX-i, u bë për shkak të refuzimit të dëshmisë

Sekretari i Aleancës për Ardhmërinë e Kosovës (AAK), Burim Ramadani ka thënë të martën se arrestimi i sekretarit organizativ të AAK-së, Blerim Kuçi, është bërë për shkak të refuzimit të dëshmisë për krime lufte për periudhën e luftës në Kosovë.

Kurse EULEX ka njoftuar se Kuçi nuk është arrestuar, por ai do të merret në pyetje në Gjykatën e Qarkut në Prishtinë, pasi ka refuzuar të jap dëshmi për një hetim.

* * * * * *EULEX-i mori në pyetje kryetarin e Suharekës

Kryetari i komunës së Suharekës Blerim Kuçi është "vizituar" sot në mëngjes nga policë dhe hetues të EULEX-it. Lajmin e ka konfirmuar zëdhënësja e këtij misioni, Kristina Herodes, e cila ka thënë se “Blerim Kuçi do të paraqitet përpara një gjykatësi në Gjykatën e Qarkut në Prishtinë në mesditë".

"Ai u intervistua sot në mëngjes nga zyrtarët e EULEX-it. Ai nuk u arrestua. Zoti Kuçi do të paraqitet para një gjyqtari me kërkesë të prokurorit të EULEX-it, i cili thotë se zoti Kuçi ka refuzuar në mënyrë të përsëritur për të dhënë dëshmi gjatë një hetimi", ka thënë Herodes.

Dënimi me gjobë ose me paraburgim për dëshmitarët që nuk bashkëpunojnë është një masë e parashikuar në Kodin e Procedurës Penale të Kosovës, ka thënë Herodes. EULEX-i nuk ka bërë të ditur se për çfarë hetimi bëhet fjalë.

* * * * * *

Tashmë është e sigurt se Policia e EULEX-it sot në orët e para të mëngjesit ka arrestuar Blerim Kuçin, kryetar i komunës së Suharekës dhe anëtar i Kryesisë së AAK-së. Tash për tash nuk dihen motivet e arrestimit edhe pse jozyrtarisht qarkullojnë dy arësye, për korrupsion apo për krime lufte. I kontaktuar përmes telefonit anëtari i Kryesisë së AAK-së Besnik Tahiri ka thënë se ka dëgjuar një lajm të tillë por për shkak se gjendet jasht vendit nuk ka arritur të konfirmoj këtë lajm.

Por ajo që është e sigurt është fakti se Blerim Kuçi është dërguar në Gjykatën e Qarkut në Prishtinë për t'u përballur me përmbajtjen e aktakuzës dhe arsyen e arrestimit. Trupi gjykues i Gjykatës së Qarkut i përbërë nga ndërkombëtar e vendor do të vendos për masat e mëtutjeshme ndaj Blerim Kuçit, për mbajtje në paraburgim apo për arrest shtëpiak.

Në dnërkohë zyrtarët për informim të EULEX-it nuk kanë dhënë kurrfarë sqarimi për këtë arrestim. Ata kanë deklaurar se gjatë ditës do të jepet një kumtesë për shtyp për media dhe opinion.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30