Topalli në Konferencën Ndërkombëtare Obstetrike-Gjinekologjike

nga **Agim Gashi** Thu Apr 28, 2011 9:34 pm

Topalli në Konferencën Ndërkombëtare Obstetrike-Gjinekologjike

Kryetarja e Kuvendit të Shqipërisë, Jozefina Topalli mori pjesë në Konferencën Ndërkombëtare Obstetrike-Gjinekologjike. Kjo Konferencë ku merrnin pjesë ekspertë në zë të kësaj fushe vendas dhe të huaj, u fokusua në rritjen e ndjeshmërisë dhe përfshirjes së opinionit publik për problemet që lidhen me shëndetin e nënës dhe të fëmijës si një domosdoshmëri për shëndetin e familjes dhe të shoqërisë.

Topalli iniciatore e vendosur për ndërgjegjësim të shoqërisë në mbrojtje të shëndetit të nënës, gruas dhe fëmijës si dhe mbështetësë e fuqishme e programeve lidhur me ketë problematikë vlerësoi këtë konferencë, si një mundësi e mirë për shkëmbimin e eksperiencave të specialistëve tanë me ata të huaj për të përballuar sfida si këto.

Topalli u shpreh se, takime të tilla i shërbejnë rritjes së ndërgjegjësimit të grave që, me anë të kontrolleve në kohën e duhur, të mundin sëmundjen e shekullit.

Në fjalën e saj Kryetarja e Kuvendit të Shqipërisë, Jozefina Topalli, ndër të tjera u shpreh: “Rritja e cilësisë së jetës, të nënës dhe fëmijës është themelore dhe sa më shumë të bëjmë në këtë drejtim në fakt e kemi bërë për familjen, për shoqërinë në tërësi dhe për kombin tonë. Unë jam e ndërgjegjshme se të gjithë ju që përballeni çdo ditë me këtë sëmundje, me raste të vështira, nuk mund ta përballoni të vetëm këtë betejë, për të rritur cilësinë e jetës dhe të jetëgjatësisë, pa mbështetjen e shtetit dhe të faktorëve të tjerë të shoqërtisë sonë.

Në betejën e përditshme dhe ndër sfidat më të vështira dhe delikate, më të komplikuara është beteja që gratë, nënat ndeshen me betejën e kancerit të gjirit dhe kancerit të qafës së mitrës.

Është një sëmundje që është kthyer në një virozë stinore dhe në opinionin e shqipëtarëve është fatale.

Kjo për shkak të mungesës së edukimit dhe ndërgjegjësimit të shoqërisë në tërësi. Unë në këtë sallë njoh shumë zonja, doktorë, profesorë, të cilët ndihmojnë gratë në betejën e tyre.

Unë personalisht jam e ndërgjegjshme se kemi shumë punë për të bërë në edukimin dhe në rritjen e ndërgjegjësimit e shoqërisë, të grave në veçanti për të arritur depistimin në një shkallë më të gjerë dhe për ta kthyer atë në një realitet.

Në fund të fundit sëmundja e kancerit nuk është fatale nëqoftëse atë e kapim në fazat fillestare. Sa herë që flitet për sëmundjen e grave mendohet se është fundi i jetës. Nuk mund të jetë e nuk është kështu!

Nënat, gratë, më shumë se për vetën e tyre, mendojnë për fëmijët e familjet e tyre. Është detyre ime, jo thjesht si Kryetare e Kuvendit, por si grua, si nënë , për të bërë atë çfarë duhet bërë, në çdo fshat, në çdo qytet, në çdo komunë, në çdo bashki folur dhe bashkëbiseduar me grate, për ta kapur në fazën fillestare këtë sëmundje që merr proporcion të frikshëm nëse nuk kapet në fazën fillestare.

Unë besoj se lufta kundër kancerit të gjirit, të qafës së mitrës tek gratë duhet konsideruar si një kryqëzatë që do ta bëjmë bashkë me profesorë, doktorë, politikanë, shoqëria civile dhe media”, tha Topalli.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30