Në përgjigje të një sqarimi

nga **Agim Gashi** Mon May 09, 2011 6:57 pm

Në përgjigje të një sqarimi
Nga Ajet Nuro

Mesazhi i mëposhtëm është një përgjigje që z. Albert Zholi i jep shkrimit tim me titull « Të luftojmë komunizmin... Kush? »

Nisur nga fakti që ai e ka nisur në dhjetra adresa, edhe unë po i përgjigjem publikisht.

Sqarim me Z. Nuro!

Në përgjigje të një sqarimi Files.php?file=albertzholi_218686366

Në përgjigje të një sqarimi Files.php?file=albertzholi_218686366

Z. Nuro!
Une jam shkrimtar, gazetar dhe do marr dhe kam marre ne interviste te majte dhe te djathte. Ky eshte proefesioni im. S'eshte problemi im qe Ju se kuptoni kete, por eshte shqetesimi Juaj. Pse kur kam marre ne interviste antar te Partise se Ballit, te partise se Legalitetit, apo ish te denuar politike...Pse kur kam marre keto intervista nuk keni thene mos z. Zholi?! A jetojme ne demokraci? Pervec teje askush qe ka qene bir komunisti, apo femije ish blloku nuk duhet te jetoje? Gjithsesi flm per kohen qe me lexoni, por me vjen keq qe po humbas kohe sqarimi per normat e demokracise, kur ju jetoni ne nje vend tejet demokratik..Kico Mustqai duhet lexuar sepse del kunder atyre qe ka deponur ramiz Alia ne librin e tij..Keto libra jane pjese e historise dhe nqs nuk do ti shkruaja une Albert ZHOLI, do ti shkruante dikush tjeter. Por ky liber mbetet me i shituri ne treg ne gjithe kohrat e publicistikes shqiptare, sepse nxjer ne pah shume te vertetea....Ndaj gjerat duhen thene...Per mua mbetesh nje shqiptar i mire..Mbaresi

Në përgjigje të një sqarimi Ajet-Nuro

Z. Zholi!

Të qenit gazetar nuk as alibi as imunitet për të mos respektuar një farë etike dhe për të respektuar disa normna që quhen universale. Profesioni i gazetarit është një profesion i nderuar dhe që quhet edhe pushteti i katërt pas atij legjislativ, gjyqësor dhe ekzekutiv në demokraci. Fatkeqësisht, shtypi në Shqipëri dhe gazetarët që veprojnë aty respektojnë vetëm një normë atë komerciale që është përfitimi me ç'do kusht pavarësisht se ç'farë u servirim shqiptarëve. Pra, në këto kushte është absurde të fshihesh pas profesionit të gazetarit apo të shkrimtarit. Nëse të jam drejtuar ty, kjo sepse kisha materialet më të freskëta por ajo që thash për ty vlen edhe për Xhungën me intervistën bërë vejushës së diktatorit apo ngjarje të tilla të ngjashme.
Nga ana tjetër zotni i nderuar, lexoni edhe njëherë se çfarë kam shkruar. Ku e gjeni ju shprehjen se asnjë bir komunisti apo bir blloku unk duhet të jetoj? Kush ka shkruar se nuk duhen intervistuar të majtët apo të djathtët. Është gjë tjetër e majta, e djathta, qendra dhe gjë tjetër diktatura. Jetojmë në demokraci, thotë sqaruesi. Po u kujtoj se rregulli bazë i demokracisë është që liria jote mbaron aty ku preket interesi i të tjerëve. Me glorifikimin e diktaturës, diktatorit apo veglave të tija besnike, ata, gazetarët (ndër ta edhe ju zoti Zholi) shkelin në kallo të popullit shqiptar që ka vuajtur dhe vuan ende nga diktatura komuniste.

Së fundi, shprehja se këta libra janë pjesë e historisë dhe se në mos Zholi dikush tjetër do t'i shkruaj... do të thotë që nuk keni kuptuar asgjë nga ç'kam shkruar unë. Askush nuk ka shkruar për Hitlerin (provoje të shkruash për të po deshe dhe do shikosh reagimin e gjermanëve...) pra edhe për Hoxhën apo veglat e tij nuk duhet të ketë libra që të na mbushin mendjen se ata ishin engjëj. Vetëm të pandërgjegjëshmit, djallin e bëjnë engjëll. Historia nuk shkruhet duke na servirur diktaturën dhe veglat e tij besnike si shpëtimtar, historia shkruhet kur ata të japin llogari për urdhrat që ata nxorën për të vrarë dhe për të prerë. Nëse Kiço Mustaqi do të laj hesapet me Alinë, po gazetatri Zholi, çfarë roli ka në këtë mes? Dikur gazetari Zholi ka lënë Shqipërinë për të shkuar në Athinë si refugjat. Sikur në vend të Athinës ai të kishte zgjedhur Romën dhe në vend të një taksie greke të kish zgjedhur një anije ndoshta ai do ishte objekt i urdhrit të Mustaqit për ta shkatërruar. Dhe Mustaqi nga Hero do kthehej në Zero. Nëse Zholi nuk ishte në një anije me mijëra të dëshpëruar të tjerë, le të bëjë një sakrificë për t'u futur në lëkurën e tyre. Kjo do të ishte e drejtë dhe e moralshme. Kështu do shkruhej historia me një këndvështrim tjetër.
Më vjenë mirë që qenkam « shqiptar i mirë ». Sidoqoftë, unë nuk shkruajta për të qenë i mirë apo i keq. E theksoj edhe njëherë se nuk është e moralshme të glorifikosh diktaturën, diktatorin dhe veglat e tij para një populli viktim që nuk arrin ende të çlirohet nga komplekset e diktatirës. Diktatura të dënonte « me opinion », demokracia duhet të krijoj një opinion mbytës për sëmundjen më të madhe që u ra shqiptarëve të heqin në historinë e tyre. Me qëllimin e vetëm që të shërohemi prej saj.

Ajet Nuro
Montreal, 9 maj 2011

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30