Berisha: Kryeqyteti gdhihet “blu”, Lulzim Basha fitoi Tiranën

nga **Agim Gashi** Mon May 16, 2011 5:23 pm

Berisha: Kryeqyteti gdhihet “blu”, Lulzim Basha fitoi Tiranën

Koalicioni i PD-së thellon diferencën ndaj të majtës- 140 mijë vota më shumë se koalicioni "Fajin e ka Saliu"

Kryeministri Sali Berisha, në dalje për mediat sot në mesditë, deklaroi se kryeqyteti është gdhirë “blu”, për shkak se Partia Demokratike dhe koalicioni “Aleanca për Qytetarin”, kanë fituar në Tiranë 7 njësi bashkiake si edhe bashkinë e Tiranës. Sipas kreut të qeverisë, kjo tregon se qytetarët votuan për veten e tyre, ndërsa Lulzim Basha e fitoi Tiranën dhe bashkë me të zgjedhurit do punojnë për të. “Tirana u gdhi blu dhe ky është gjithashtu një shpërblim i madh jam mirënjohës qytetarëve të tiranës, 7 minibashki u fituan nga “Aleanca për Qytetarin”, pra, Tirana votoi për veten e saj, kjo është një fitore e shkëlqyer që nga 15 vitet e fundit, Tirana voti blu sepse fushata këtu u drejtua në shkallën më të lartë të qytetarisë nga kandidati Basha. E fitoi Tiranën, ky është kryeqyteti ynë. Një mirënjohje të thellë per këta të zgjedhur me të cilët do punojmë për Tiranën. Ne kemi shpallur si filozofinë tonë më të vështirën për të mos braktisur territorin e Tiranës. Ne besojmë se duhet të investojmë kudo”- u shpreh Berisha. Kreu i qeverisë falenderoi të gjithë votuesit shqiptar që më 8 maj 2011, votuan dhe vlerësuan reformat e kësaj Qeverie. Ndëkohë theksoi faktin se Aleanca për Qytetarin ka marrë 140 vota më shumë se koalicioni i majtë. “Edhe njëherë në një mirënjohe të thellë për shqiptarët të cilët sipas rezultateve të shpallura nga KQZ, i dhanë “Aleancës për Qytetarin”, pra vetes së tyre, 140 mijë vota më shumë se koalicionet “Fajin e ka Saliu”. Duke shprehur mirënjohje time të pakufishme për këtë vlerësim të ndershëm që qytetaret shqiptar ia bënë reformave të kësaj qeveri dhe arritjet e tyre historike në sajë të reformave dhe arritjet e këtyre reformave, që ka ecur me shpejtësi të rrufeshme në moshën dixhitale”- deklaroi kryeministri Berisha. Sa i përket mungesës së shpalljes së fituesit së kryetarit të bashkisë së Tiranës, Berisha akuzoi komisionerët socialistë për bojkotim të njësisë nr. 5 ose KZAZ nr.49, si dhe përgjegjësit kryesor për mungesën e shpalljes së fituesit në kryeqytet. “Nuk është e vërtetë, ju ftoj tek njësia 5, është sekretari i kësaj njësie që ka marrë vulën dhe është larguar bashkë me komisionerët. Unë nuk arrij të gjykoj se anjëra palë të mos dojë të dijë rezultatin. Unë i kam kërkuar bashkëpunëtorëve të mi që të palajmërojnë të gjitha instancat. Cdo njeri duhet të arrijë se nuk ka të drejtën e kontestit. Nuk do gjeni një vend që ka më pak ankesa se në këtë vend. Tek ne, ankesat numërohen me gishta. KQZ nuk mund ta nxjerrë rezultatin pa i shkuar tabelat e të gjitha KZAZ-ve, ndërkohë që, tek njësia nr. 5 komisionerët socialistë kanë ikur. Në KZAZ ku ne kemi qenë në shumicë, i kanë dërguar të gjitha tabelat përmbledhëse. KQZ po pret tabelat që t’i shkojnë, në mënyrë që të shpallë rezultatin, por ajo nuk mund ta shpallë rezultatin se ka procedurën e vet. Pyet selinë rozë, e cila i ka thënë komisionerëve, “merr vulën dhe ik”, ka një arsye po cila është nuk po e mar vesh. Është KQZ që ndërhyn dhe vendos, për këtë problem”- tha më tej Berisha. Nga ana tjetër, shefi i ekzekutivit vlerësoi sistemin e numërimit si më transparentin. Ai nënvizoi se votat i numëruara të gjithë megjithëse nuk anashkaloi faktin se ka shumë për të bërë. “Votat i numëruat ju dhe mediat si në asnjë vend tjetër. Një tranparencë e pashoqe që, ne duhet të krenohemi, ne kurrë nuk duhet të kemi eufori dhe duhet të jemi bindur se kemi shumë për të bërë dhe ne jemi të aftë të arrijmë standarde. Kur të vijmë tek sitemi i numërimit do themi se është elektronik dhe më i sakti”- vijoi më tej kryeministri Berisha.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30