Numërimi, Basha ruan epërsinë ndaj Ramës

nga **Agim Gashi** Fri May 20, 2011 7:18 pm

Numërimi, Basha ruan epërsinë ndaj Ramës

Socialistët në Shqipëri, si serbët në Mitrovicë- Misioni: Bllokim të perspektivës së integrimit të shqiptarëve, kombit më Evropian të Ballkanit

(I plotësuar )- Nga numërimi i fletëve të kontestuara, të cilat nga Ristani quhen fletë të panumëruara, në 75 kuti votimi, Lulzim Basha ka arritur të sigurojë 125 vota kundrejt 83 të akorduara për Edi Ramën.

* * * * * * *

Numërimi, Basha ruan epërsinë ndaj Ramës F2610x

Numërimi, Basha ruan epërsinë ndaj Ramës F2610x

Komisioni Qendror Zgjedhor (KQZ) vazhdon sot për të tretën ditë numërimin e fletëve të votimit të gjetura në kutitë e gabuara, pavarësisht kundërshtimeve të përfaqësuesve të opozitës, të cilët akuzojnë KQZ se po shkel ligjet. Nga numërimi i fletëve të kontestuara, të cilat nga Ristani quhen fletë të panumëruara, në 75 kuti votimi, Lulzim Basha ka arritur të sigurojë 125 vota kundrejt 83 të akorduara për Edi Ramën. SHBA thirrje udhëheqësve dhe të gjithë anëtarëve të partive politike në Shqipëri për të respektuar procesin zgjedhor dhe të ruajnë qetësinë.

* * * * * * *
KQZ shtyn mbledhjen për në orën 18:00

Ora 15:50- KQZ ka numëruar edhe një kuti tjetër, nga e cila dy vota i ka marrë Rama dhe 2 Basha. Pas mbylljes së kësaj kuti KQZ-ka mbyllur mbledhjen për një pushim, për ta rinisur në orën 18:00. Në total janë numëruar 75 kuti, nga të cilat Basha ka marrë 125 vota dhe Rama 83.

* * * * * * *
Protesta para KQZ-së, deputetët e PS-së: Mazhoranca po vjedh votat

Deputetët e Partisë Socialiste po mbajnë fjalime para protestuesve të cilët janë mbledhur në afërsi të godinës së Komisionit Qendror të Zgjedhjeve.

Deputeti socialist Namik Dokle në fjalën e tij theksoi se opozita nuk do të lejojë që “Shqipëria të shkojë në greminë”.

“Do mbrojmë votën tonë. Nuk ka rrugë tjetër. Fitorja është e jona nuk ka kush të na e vjedhë as Ristani e as Berisha.. Ne do të rezistojmë për votën”, tha Dokle duke shtuar se fletët e hedhura në kutitë e gabuara janë të pavlefshme dhe nuk mund të numërohen si pjesë e rezultatit. “Ne duhet të rezistojmë për veten tonë, fëmijët tanë dhe gjithë Shqipërinë”, shtoi më tej Dokle

Ndërsa deputeti i PS-së Blendi Klosi theksoi se mazhoranca po vjedh votat e qytetarëve pasi të gjithë e panë mirë se kush i fitoi zgjedhjet.

Gjithashtu deputeti Klosi tha se opozita nuk po bën një betejë për mandatin e kryetarit të PS-së, por për gjithë vendin.

“E gjithë Shqipëria sot duhet të jetë në protestë, ne jemi me të drejtën, duam të shpllet ligjshmëria. Po sot cfarë thonë injorantët e KQZ? Në spote thonë se vota e hedhur në kuti të gabuar nuk do të numërohëet, ndërsa sot thonë gjë tjetër. Ne nuk mund t`i lejojmë”, tha Klosi.

Ndërsa deputeti Saimir Tahiri deklaroi se dje janë rrahur barbarisht nga policia dy protestues, të cilët nuk kishin bërë asnjë shkelje.

“Dy miqtë tanë janë rrahur barbarisht nga policia, sepse protestuan bashkë me ne. Shpirti ynë sot është me ata në spital. Ata që guxuan dhe vunë dorë mbi dy vëllezërit, ta mbajnë mend mirë se do japin llogari nesh dhe para ligjit”, tha Tahiri.

* * * * * * *
Ka nisur protesta e opozitës para godinës së Komisionit Qendror të Zgjedhjeve (KQZ). Qindra protestues të Partisë Socialiste (PS) janë vendosur në rrugën midis Pallatit të Kongreseve dhe Stadiumit “Qemal Stafa”.

Forca të shumta policie janë vendosur para godinës. Disa kordonë me forca të rendit qëndrojnë përballë derës kryesore, ku dhe presioni i protestuesve për të hyrë është më i madh.

Deri në në orën 10:30 nuk janë shënuar incidente. Ndërkohë që organizatorët e protesës janë në pritje të shtimit të numrit. Sipas policisë, gjatë ditës së djeshme u lënduan 5 policë nga protestuesit.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30