Vijon numërimi, kryeson Basha

nga **Agim Gashi** Tue May 10, 2011 11:16 am

Vijon numërimi, kryeson Basha

(I plotësuar) Numërimi i votave në njësitë e ndryshme në Tiranë ka bërë që dy kandidatët për bashkinë më të madhe në vend të jenë vetëm pak vota larg nga njëri tjetri.

Nga 181 kuti të numëruara nga 485 që janë gjithsej kandidati i koalicionit “Aleanca për Qytetarin”, Lulzim Basha kryeson me 331 vota ndaj kandidatit të PS-së Edi Rama.

Kështu sipas rezultateve të deritanishme kandidati i djathtë Basha ka marrë 46110 vota kundrejt rivalit të tij Edi Rama i cili ka marrë 45879 vota.

Ndërsa në disa njësi bashkiake procesi i numërimit është pezulluar gjatë natës ndërkohë që pritet të nisë mëngjesin e sotëm.

Basha: Çdo orë konfirmohet fitorja në Tiranë

Vijon numërimi, kryeson Basha 440-700basha

Vijon numërimi, kryeson Basha 440-700basha

Dua të falenderoj të gjithë komisionerët e të gjithë partive politike për punën e palodhur dhe plot përkushtim në këtë fazë shumë të rëndësishme të procesit zgjedhor, fazën e numërimit të çdo vote të qytetarëve të Tiranës. Në veçanti, dua të falenderoj komisionerët e Partisë Demokratike, numëruesit e Partisë Demokratike, vëzhguesit e Partisë Demokratike dhe të “Aleancës për Qytetarin”, për durimin e treguar në pjesën e parë të ditës së sotme, gjatë numërimit të qendrave të votimit që tradicionalisht favorizojnë Partinë Socialiste. Por ndërsa numërimi vazhdon dhe rezultati është ngushtuar, është zhgënjyes bllokimi preferencial i numërimit nga pala tjetër, në qendrat e votimit që tradicionalisht favorizojnë Partinë Demokratike. Kanë mbetur për tu numëruar plot 180 mijë vota, këto vota duhet të numërohen me qetësi dhe transparencë. Zëri i këtyre qytetarëve duhet, dhe do të dëgjohet. Dua të përsëris vendosmërinë time për të respektuar procesin e numërimit të çdo vote të qytetarëve të Tiranës dhe rezultatin e dalë prej saj. Bazuar në të dhënat që po konsolidohen çdo orë, pas numërimit të çdo vote, kam besim në konfirmimin e fitores së shumëpritur në Tiranë.

Rama: PS, gjerdan fitoresh

Vijon numërimi, kryeson Basha 700x393rama

Vijon numërimi, kryeson Basha 700x393rama

Kryetari i PS, Edi Rama ka vlerësuar atë që e ka quajtur “gjerdanin e fitoreve” të Partisë Socialiste në zgjedhjet lokale. Në një konferencë për shtyp të mbajtur para pak castesh, Rama ka përshëndetur fitoren e arritur sipas tij në zona që vite më parë konsideroheshin bastione të PD.

“Fitoret e sotme kanë qenë spektakolare dhe gjerdani vazhdon të zgjatet. Falënderoj publikisht të gjithë fituesit dhe do të doja të fokusohesha tek ata të një sërë bashkish, duke e nisur nga fituesi i Fushë Krujës. Jam i bindur që qytetarët kanë bërë një investim të sigurtë për Gjon Bardhin. Gjithashtu përshëndes fitoren në Divjakë, Gjirokastër, Këlcyrë, Memaliaj, Gramsh, që deri më sot janë mbajtur pa asnjë sukses nga rivalët e dështuar, si dhe në Ballsh, Tepelenë, Ersekë, Krumë, Përmet dhe surprizën në Himarë”, ka deklaruar Rama.

Sipas liderit të opozitës, PS ka fituar gjithashtu në Pogradec, Elbasan, Lushnje, Korcë dhe në vecanti në Lac, “pas një ndasie 20-vjeçare”, si dhe në disa komuna të Shkodrës.

“Nesër do të kemi fitore të tjera”, ka shtuar Rama, i cili ka denoncuar si “të shëmtuar e të turpshëm” rrethimin që sipas tij po i bëhet Tiranës dhe Durrësit nga njerëzit e rivalëve politikë.

>> KQZ: Gjithçka është e mundur, derisa numërimi ende vazhdon >> Komenta (11)

>>Sondazhi i Gani Bobit: Basha fiton me 58.4%, Rama humb me 39.8%

>>KQZ: Deri në orën 19.00, votuan 50.9% e qytetarëve

>> Naltmadhnia e tij Princi Leka II vlerëson lart figurën e Lulzim Bashës

>> Berisha e Basha presin rezultatin në selinë e Partisë Demokratike

>> Lista e plotë e kandidatëve të zgjedhjeve të 8 majit

>> Tirana në këmbë, votë për Lul Bashën >> Komente (9)

>> Për herë të parë pas 20 vjetësh PS struket në Pallatin e Sportit >> Komente (6)

>> Berisha: 8 maji është fitorja e qytetarëve

>> Topi: Qytetarët të votojnë masivisht

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30