Ardi Omeri:U TAKUAM VONE!

nga **Agim Gashi** Mon May 23, 2011 2:08 am

Ardi Omeri:U TAKUAM VONE!

Ç’erë e mirë të shkuli nga ku rrije e të pruri tek unë?
Ç’ ëndërr tënden prishe për ta zgjuar tek i imi gjumë?
Thuamë shpirt, në cilën jetë më ke parë në fillim?
Thuamë zemër dhe përskuqe të paqetin, shpirtin tim!

Flladi yt, në pak km distancë,
Mua, atë ditë më ndezi zjarr!
Aroma yte e veçantë femërore,
Veç dorën kur të putha, më dha mall...

Me përulësi e frikë në zemër,
Bukurisë tënde i them:-
Hiret e tua më dehin, era yte,
më shtyn që i yti përjetësisht të jem...

Për at’ Zot, i trembem edhe vetëm imazhit tënd,
që ikën e vjen në qenien time dhe po më le pa mend...

Për at’ Zot, shpirti yt i bukur,
më fut në të mrekullueshmin tundim,
Të jetoj me ty dashurinë në përkushtim!

Për at’ Zot, fytyra yte engjëllore,
buzët e tua në pritje për rizgjim,
të miat, të thara në pritje, kërkojnë papushim...

Për at’Zot, si dy karafila të bardhë,
prej gonxhes së tyre sapo çelur,
gjoksi yt shpërthyer në sytë e mi,
fton në puthje pafund për të më velur!

Për at’ Perëndi që quhet ndryshe dhe dashuri
Trupi yt si zanë mali dalë prej pyllit mijëvjeçar
Më zgjon djajtë e fjetur që prej lindjes,
e ngjan i dehur me dritë Dielli, i lyer në ar...

Bashkohuni, dashuroni, tingëllon dëshira dypalëshe
Përmbahu, kërcënon etika që skërmon dhëmbët pa mëshirë
Bota rri e pret në ankthin tonë të gjejë pak vend...
Flemë e dashur, të përsëris pa dashje, pa dëshirë...

Qajmë flijimin në mos guximin tonë,
Flejmë, flejmë e dashur,
u takuam shumë vonë!

©Ardi OMERI

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30