Mentor Thaqi:EH, TOPLICË, TOPLICË!

nga **Agim Gashi** Sat May 28, 2011 2:02 am

Mentor Thaqi:EH, TOPLICË, TOPLICË!
(Muhagjerëve, n´mallkim t´Berlinit!)

N´hidhërim me shekullin,
përbuzja vret e pret!
Vatrat, pas shpine
e gjurmë gjaku pas,
shikimin as pas shtatë kodrash
nuk e humbën,
në kokërr të syrit,
e as shpresëkthimin
edhe pas shtatë brezash!

Natën si për ditë
nga dritëzjarri
çative flakëndezura,
n´lemëri.
- Ikni shpejt!
Para tehut të bajonetave,
në ndjekje
bishat e natës janë vënë!

Eh, Toplicë, Toplicë!
Po kujt ua zure dritën
që t´japin errësirë?!

Aleancat e dreçit,
prej turpit në turp,
kryeshyt,
nënçmim e përbuzje
nuk kursyen, qebesa,
kafshatë të vogel na dinin
për megalomaninë e tyre
hegjemone!

Ani, ani
se kafshatë-gëllënkë e vogël
edhe një lugë helm është,
por, të zë frymen
e sytë katërliq të kokërdhuar!

Zbathur e ngathur
plot tri javë këmbë,
me këmbët gjysmake,
gjysmat tjera
lanë shkurreve e shkëmbinjëve
drejt strehimit vëllazëror,
djepat mbi supe
e përkrahu t´moshuarit
me sytë kah pikëshpëtimi,
he Zoti pa vëllëzër mos na lëntë
as në dekik të parë e as të fundit!

Atje, gjithçka mbeti,
edhe shpirtin e plagosur
atje peng e lanë,
morën mallin e ndrydhur,
zemrën e zhuritur e të ndarë,
plagën në dyshe,
brënda e jashtë
dhe dy emrat bashk:
atë të fshatit ku e lanë
dhe të riun, Muhagjer, ku vanë!

Eh, Zot i Madh!
Çdo gjë timen mund ta falë
edhe kur malli përvëlon, valë,
por, s´falet jo, Identiteti
kur t´përkëmbet Dinjiteti,
se qebesa, heret a vonë,
do i zën mallkimi jonë!
Jo jo, gjaku kurr s´do humbet,
n´kokë memorja do rishkundet,
s´mund t´ketë pluhur as tymosje,
që mbulon atë gjakosje!
Mbeten plagë për ty Arbëri,
n´veri Toplicë e n´jug Çamëri!

Mentor Thaqi VS., 27.05.2011***

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30