Gruaja e Kryebashkiakut të Kavajës, prokuroria: Nuk ka prova për rrëmbim

nga **Agim Gashi** Thu Jun 02, 2011 2:16 pm

Gruaja e Kryebashkiakut të Kavajës, prokuroria: Nuk ka prova për rrëmbim

Griselda Roshi

Tirane – Lajmifundit – Prokuroria për Krime të Rënda në bashkëpunim me Policinë e Shtetit, pas regjistrimit të denoncimit më datën 01.06.2011 për rrëmbinin e shtetases Griselda Roshi, realizuan një sërë veprimesh hetimore për verifikimin e rrethanave të ngjarjes duke vlerësuar dhe vetë sensibilitetin që paraqet ky rast.
Në bazë të analizës të veprimeve hetimore të deritanishme, u arrit në konkluzionin se nuk ka elementë që të vërtetojnë rrethanat e pengmarrjes së shtetases Griselda Roshi, çfarë hedh poshtë pistën e variantit të rrëmbimit dhe marrjes peng të fëmijës së sapolindur.
Ndërkohë, nga Prokuroria e Krimeve të Rënda, në bashkëpunim me Policinë e Shtetit, po punohet për të sqaruar më tej arësyet dhe motivimin e denoncimit.
Më poshtë, zbardhet dëshmia e dhënë nga Griselda Roshi e cila pretendon se është rrëmbyer nga 2-3 persona.
“Kisha disa ditë që kisha shkuar në banesën e prindërve që ndodhet në rrugën “Qemal Stafa”. Nga pasditja e ditës së djeshme (të martë) kisha lënë një takim me një shoqen time tek qendra tregtare “Kristal” ku do të shikoja edhe për ndonjë rrobë për bebin, pasi prisja dita ditës që të lindja. Atje kam takuar në lokal edhe kunatin (vëllain e Elvis Roshit) dhe mikeshën time ku edhe kemi pirë kafe. Aty nga ora 19:00 është larguar kunati nga lokali. Para se të largohet më tha që të më dërgonte në banesën e prindërve ku banoja, por, i kërkova të shkonte pasi do ikja vetë me taksi pasi të rrija edhe pak me shoqen.
Pas rreth 15 minutash jam ngritur së bashku me shoqen dhe kam dal te taksitë për të ikur në shtëpi. Aty është afruar një makinë e tipit “Fuoristrdë” me xhama të errëta dhe kanë zbritur tre persona trup mëdhenj dhe më kanë kapur për krahu duke më futur në makinë. Nuk kishin maska dhe nuk jam në gjendje të jap detaje të fizikut të tyre. Në makinë më kanë ulur kokën dhe më kanë zbritur në një shtëpi që ndodhej afër një pyll diku në autostradë, të rrethit të Komunës Kashar.
Aty në një dhomë më kanë futur ku ndodhej një grua dhe më kanë shtrirë në një tavolinë. Aty me anë të dhunës psikike dhe presionit më kanë dhënë një serum në krah, ku kam humbur vetëdijen dhe kur jam zgjuar nuk e kisha bebin në barkë. Për shkak të hemorragjisë që kisha më kanë ndërruar edhe rrobat dhe bebin nuk e kam parë. Më kanë hipur sërish në po të njëjtën makinë dhe më kanë zbritur pak metra nga shtëpia e burrit në Kavajë.
Jam zvarritur me aq mundësi që kisha dhe jam afruar derës kryesore, ku kam lajmëruar njerëzit e burrit dhe më pas policinë. Nuk mbaj mend vendin ku më kanë dërguar dhe as përshkrimin fizikë të tyre”.
Mbrëmë policia identifikoi dhe shoqeroi një taksist që tha se e kishte çuar 28-vjeçaren tek klinika ku lindi fëmijën. Dëshmia e këtij shtetasi rrëzon pretendimin e rrëmbimit nga një makinë me xhama të zinj. Grupi hetimor deklaron se të gjitha pistat janë të hapura.
Ngjarja po hetohet nga prokurori i Krimeve të Rënda Henrik Ligori dhe prokurori Njazi Seferi.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30