Rigjykimi i Haradinajt me 17 gusht

nga **Agim Gashi** Thu Jun 09, 2011 10:17 pm

Rigjykimi i Haradinajt me 17 gusht

Në Tribunalin e Hagës sot është mbajtur seanca e radhës dëgjimore në rigjykimin e Kreut të AAK-së Ramush Haradinaj. Në këtë seancë u vendos qe gjykimi të nisë me 17 gusht pasi deri atëherë të gjitha materialet do të jenë të gatshme për të filluar ky proces. Gjithashtu si prokuroria dhe pala mbrojtëse janë pajtuar, qe pas nisjes së Gjykimi seancat të mbahen në baza dy javore, për shkak se gjykatësit janë të angazhuar edhe në proceset tjera. Gjykata nuk ishte në gjendje të bëjë të ditur se sa kohë do të zgjasë procesi gjyqësor.

Ndërkohë anëtari i kryesisë së AAK-së Besnik Tahiri në një deklaratë për media, ka thënë se stërzgjatja e këtij procesi është i pakuptimtë. “Për AAK-në, stërzgjatja e këtij procesi është e pakuptimit, shpresojmë që pas fillimit më 17 gusht, procesi i gjykimit të përfundojë shpejtë dhe që edhe njëherë të vërtetohet pafajësia e Ramush Haradinajt, Lah Brahimajt dhe Idriz Balajt”, ka thënë Tahiri.

* * * * * * *

Në Hagë mbahet seancë dëgjimore për Haradinajn

Sipas kalendarit të parashikuar nga Dhoma e Gjykatës së Tribunalit të Hagës, të enjten (sot) më 9 qershor në ora 15:00 do të mbahet seanca e radhës dëgjimore në të cilën do të përcaktohen detaje të fillimit të gjykimit të Ramush Haradinajt dhe dy të akuzuarve të tjerë Idriz Balajt e Lahi Brahimajt.

Rigjykimi i Ramush Haradinajt po pritet me një interesim të madh jo vetëm nga opinioni publik e politik shqiptar në Kosovë por edhe më gjërë për faktin se Haradinaj ishte shpallur i pafajshëm më 3 prill të vitit 2008 nga trupi Gjykues i kryesuar nga Alfons Orie. Por më 21 korrik të vitit 2010 Gjykata e Apelit mori vendim për rikthim të çështjes “Haradinaj e të tjerët” dhe për rigjykim të pjesshëm. Megjithëse procesi i rigjykimit ishte pritur të fillonte sa më parë, duket se për shkak të procedurave të domosdoshme gjyqësore dhe për shkak të apelimit të shpeshtë në mes të prokurorisë dhe mbrojtjes, deri më tash nuk është caktuar ndonjë datë e saktë e fillimit të gjykimit.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31