Kolegji Zgjedhor, pranon në mënyrë të pjesshme kërkesën e PS-së

nga **Agim Gashi** Tue Jun 14, 2011 1:58 am

Kolegji Zgjedhor, pranon në mënyrë të pjesshme kërkesën e PS-së

Kolegji Zgjedhor ka dalë në mesnatë me vendimin për një pranim të pjesshëm të kërkesës së Partisë Socialiste, e cila kundërshtonte rezultatin e nxjerrë për Zonën e Administrimit Zgjedhor numër 49 dhe atë përfundimtar të garës elektorale për kryetar të Bashkisë Tiranë, të shpallura nga Komisioni Qendror i Zgjedhjeve.

Sipas trupës gjykuese të Kolegjit, KQZ duhet të hapë edhe kuti të tjera, ndërsa shuma e votave të rezultuara prej tyre, do t’i shtohet rezultatit aktual dhe më pas, do të nxirret tabela përmbledhëse.

Shqyrtimi i çështjes në fjalë nisi rreth orës 10 të paradites, ku trupa gjykuese, fillimisht dëgjoi pretendimet e palëve të përfshira në këtë proces.

Përfaqësuesit e Partisë Socialiste kanë theksuar se Komisioni Qendror të Zgjedhjeve veproi në kundërshtim me ligjin duke ndryshuar tabelën e rezultateve për çdo qendër votimi, përmes numërimit të fletëve të kontestuara.

Socialistët kanë thënë është vënë re mospërputhje mes numrit të votuesve dhe fletëve të votimit të gjetura në kuti.

Por, këto pretendime u kundërshtuan nga përfaqësuesja e KQZ-së, e vlerësoi si të pabazuar qëndrimet e Partisë Socialiste.

Sipas saj, Komisioni Qendror i Zgjedhjeve veproi ligjin duke funksionuar si KZAZ-ja e madhe e Tiranës dhe duke vendosur për numërimit e votave të vlefshme, të cilat ishin hedhur gabimisht nga qytetarët në kuti të gabuara.

Dhe në bazë të këtij numërimi ligjor, u vendos ndryshimi i rezultatit të zgjedhjeve.

Ndërsa përfaqësuesi i Partisë Demokratike, duke iu drejtuar trupës gjykuese kujtoi se ka qenë vetë Kolegji Zgjedhor, i cili më 3 Qershor, cilësoi si të ligjshëm vendimin e KQZ-së për numërim të votave të vlefshme, që gjendeshin në kutitë e gabuara.

Sipas tij, socialistët nuk po paraqesin prova konkrete, ku të mbështeteshin pretendime te tyre.

Kolegjit Zgjedhor i janë dashur orë të tëra, pas dëgjimit të palëve për të marrë vendimin përfundimtar.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30