Veteranët nuk duan para, por ligj

nga **Agim Gashi** Fri Jun 17, 2011 9:02 pm

Veteranët nuk duan para, por ligj

Ish-luftëtarët e UÇK-së do të vazhdojnë grevën edhe përkundër deklaratave të zëvendëskryeministrit Hajredin Kuçi se Ligji për vlerat e luftës do të procedohet së shpejti në Qeveri dhe Parlament, derisa thonë se kryetari i Shoqatës së familjeve të dëshmorëve nuk ka të drejtë të flasë për çështje të veteranëve.

Nysret Salihu, anëtar i këshillit të grevistëve, të cilët tash e njëzet e gjashtë ditë po qëndrojnë para ndërtesës së Qeverisë duke kërkuar miratimin e ligjit për vlerat e luftës, ka thënë për Kosovapress se për lajmin se ligji do të procedohet në parlament javën e ardhshme janë njoftuar vetëm në media.

Salihu ka bërë të ditur se veteranët dje kanë bërë kërkesë që të takohen me kryeministrin Hashim Thaçi, por ende nuk kanë marrë përgjigje.

Ndërkohë që drejtuesit e shoqatave të dala nga lufta e UÇK-së, i kanë akuzuar ish-bashkëluftëtarët se janë të nxitur nga dikush që të mbajnë grevën, Salihu ka thënë se grevistët nuk janë nxitur nga askush, por janë të indinjuar me zvarritjen e miratimit të ligjit tash e 12 vjet.

Veteranët sipas Salihut nuk kanë dalë për të kërkuar kushte ekonomike, por ata po kërkojnë identitetin e tyre, ndërsa lidhur me deklaratën e Xhavit Jasharit, se disa veteranë mund të mos kenë qenë luftëtarë, ai thotë se Jashari nuk mund ta luajë rolin e zëdhënësit të shoqatave të dala nga lufta, pasi që ai përfaqëson një shoqatë që nuk ka të bëjë me veteranët e luftës.

Derisa gjendja shëndetësore e veteranëve të luftës është rënduar dukshëm, zyrtarët qeveritar dhe ata nga Kuvendi nuk po marrin ndonjë vendim për aprovimin e ligjit për vlerat e luftës.

Zëvendëskryeministri i Kosovës Hajredin Kuçi gjatë një takimi me drejtues të shoqatave të dala nga lufta ka bërë të ditur se në fillim të javës së ardhshme do të procedohet ligji në Qeveri dhe pastaj në Kuvendin e Kosovës për miratim.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30