Bashkim Buxhovi:CIVILIZIMI DON KUSHTE...[/

Bashkim Buxhovi:CIVILIZIMI DON KUSHTE...

Sa më afër civilizimit kjo rrjedhë që po na qon,
dëshira për mëvetësim shumë zemra po i pushton...
Hall t’jetosh n’bashkësi, por n’shumçka i kufizuar...
E hall tepër i lirë, e t’përfundosh plotësisht i vetmuar...

As dallëndyshet që janë të lira, s’e keqpërdorin lirinë,
dhe botës skaj e m’skaj së bashku, pa problem i bijnë...
Por s’ka ndodhë që një prej tyre, n’tjetër anë t’flutron,
sepse vetëm pa gjithë të tjerat, qielli do ta gllabëron...

Mos vallë edhe lirija po e deshka me ngadalë?
se civilizimi pa kushte, s’po hahet hiç n’varfëri...
Mendjen plot e barkun thatë, ç’dreq është kjo liri?
Kur t’vjen gjithëfarë buzëmushke, e t’blenë me gjithë fëmij...