Kush janë deputetët “fukarenj” të Kuvendit të Kosovës?

nga **Agim Gashi** Tue Jun 28, 2011 4:32 pm

Kush janë deputetët “fukarenj” të Kuvendit të Kosovës?

Shqipe Osmani - Bota sot
Afërdita Berisha-Shaqiri, deputete e PDK-së, Nazane Breca deputete e LDK-së, Albinin Kurti i Vetëvendosjes, Kymete Bajraktari deputete e AAK-së, janë deputetët më “të varfër” të Kuvendit të Kosovës

Deklarimi i pasurisë së zyrtarëve të lartë në Agjencinë Kundër Korrupsionit ka pasqyruar pasurinë e të gjithë zyrtarëve të lartë përfshirë këtu edhe deputetët pasuria e disa prej të cilave arrin shifra marramendëse e që është pak habitëse për Kosovën e varfër. Mirëpo jo të gjithë deputetët janë milionerë. Ka edhe të atillë që nuk kanë as shtëpi, as banesë, as veturë. Madje ata kanë filluar të krijojnë marrëdhënie pune vetëm atëherë kur janë bërë deputetë dhe kanë filluar t’i mbushin kontot e tyre bankare me rrogat e para prej deputeti.

Por kush janë deputetët më të varfër të Kuvendit të Kosovës? Meqenëse janë pak nuk është lehtë edhe t’i veçojmë ata. E ata janë....

Duket se Afërdita Berisha-Shaqiri, GK i PDK-së, është deputetja më e varfër, sepse nuk ka deklaruar asgjë nga pasuria e saj, përveç pagës si deputete me vlerë 1.488, euro si dhe pagës nga Universiteti i Prishtinës me vlerë 8 mijë euro. Berisha, sipas deklarimit, nuk ka para të gatshme, as veturë personale, mbase ndonjë pasuri të përbashkët familjare ka, e cila nuk është pasuri e saj e krijuar. Deputeti i PDK-së, Behar Selimi, po ashtu, nuk shihet se është ndër deputetët “pasanikë”, derisa ka të deklaruar vetëm një banesë me vlerë 37 mijë euro, veturën “Opel Zafira” me vlerë 9 mijë e 500 euro, si dhe veturën “Golf” me vlerë 2.500 euro. Selimi ka të deklaruar para të gatshme me vlerë 42 mijë euro. Po ky deputet ka të deklaruar edhe detyrimet e tij ndaj dy personave fizikë me vlerë 16 mijë e 500 euro, ndërsa pagën vjetore, nga buxheti i shtetit Selimi e ka deklaruar 22 mijë euro, kurse nga kolegji “Dardani” 6 mijë euro dhe nga kolegji UBT 3 mijë euro pagë. Selimi ka deklaruar edhe pagat vjetore të bashkëshortes së tij: 7 mijë euro pagë nga Spitali i Qytetit dhe fitimin privat nga ordinanca me vlerë 10 mijë euro. Nazane Breca e LDK-së duket se është deputetja më e “varfër”, nga grupin e saj kuvendar. Ajo ka një pasuri solide të trashëguar, si: ambulancën me vlerë 100 mijë euro dhe banesën e trashëguar 75 mijë euro. Breca ka të deklaruar edhe pasurinë me para të gatshme në Raiffaisen, 12 mijë euro, si dhe në llogarinë e fëmijëve ka deklaruar 5 mijë euro. Ajo ka deklaruar pagën vjetore të deputetes 17.856 euro, pagë nga Fakulteti i Mjekësisë 1.269 euro, si dhe pagë nga Ambasada Amerikane me vlerë 12.900 euro. Deputetja Breca, sipas deklaratës së pasurisë, nuk posedon as veturë personale e as familjare.

(Më gjërësisht mund të lexoni në numrin e sotëm të gazetës)

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30