Arrihen marrëveshjet e para mes Kosovës dhe Serbisë

nga **Agim Gashi** Sun Jul 03, 2011 12:03 am

Arrihen marrëveshjet e para mes Kosovës dhe Serbisë

(I plotësuar)-Në rrethin e pestë të dialogut, delegacioni i Kosovës dhe ai i Serbisë kanë arritur marrëveshje për lirinë e lëvizjes, regjistrit civil dhe diplomat, kanë konfirmuar burimet Bashkimit Evropian (BE), ndërsa pritet që më vonë sonte BE të dalë me një komunikatë për shtyp ku do të përmenden edhe disa nga detajet e këtyre marrëveshjeve.

Sipas këtyre burimeve, pala kosovare dhe ajo serbe, në përfundim të rrethit të pestë të dialogut në Bruksel kanë arritur pajtim për lirinë e lëvizjes, regjistrit civil dhe njohjen e diplomave.

Këto marrëveshje të cilat janë arritur dhe për të cilat janë pajtuar të dyja palët do të përfshihen në të ashtuquajturën “konkluza e kryesuesit”, të cilat do t’iu jepen palëve, por nuk do të nënshkruhen.

* * * * * * *

Zhvillohet sot raundi i pestë i dialogut teknik Kosovë-Serbi

Në Bruksel sot pritet të zhvillohet raundi i pestë i dialogut teknik midis Republikës së Kosovës dhe Serbisë, i ndërmjetësuar nga Bashkimi Evropian (BE). Pas raundit të katërt, të zhvilluar në maj, burime zyrtare të qeverisë kosovare theksonin se delegacioni i Republikës së Kosovës, i udhëhequr nga zv/kryeministrja Edita Tahiri, dha "kontribut të shquar në drejtim të gjetjes së zgjidhjeve në harmoni me Kushtetutën e Republikës së Kosovës dhe parimet euro-atlantike".

Vlerësohej se "procesi ka avancuar në mënyrë esenciale dhe janë afruar drejt marrëveshjeve, sidomos çështja e lëvizjes së lirë, tregtisë së lirë, energjisë dhe telekomunikacionit".

Sipas medieve, Kosova dhe Serbia pritet të arrijnë marrëveshje për 6 çështje që tashmë janë diskutuar në takimet paraprake.

Kadastra, liria e lëvizjes, telekomunikacioni, energjia dhe marrëveshjet doganore pritet të jenë disa nga çështjet për të cilat priten zgjidhje konkrete.

"Nënshkrim nuk do të ketë, por marrëveshjet do të mbikëqyren nga BE-ja", theksojnë mediet.

Delegacionet e Kosovës dhe të Serbisë, të udhëhequra nga Edita Tahiri, si e dërguar e posaçme e kryeministrit Hashim Thaçi, dhe Borko Stefanoviç, si i dërguar i posaçëm i presidentit të Serbisë, Boris Tadiç, do të nisin sot në mëngjes një raund të ri të dialogut në Bruksel dhe ai do të zgjasë derisa në fund të ditës të arrihen edhe marrëveshjet e para konkrete.

Në BE, siç pohon një zyrtar i lartë i BE-së, presin me optimizëm këtë dialog dhe besojnë se në të do të arrihen marrëveshjet e para prej kur ky dialog ka nisur që më 8 mars të këtij vit.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30