Duna në familjet tona

Dhunë në familje në Mitrovicë


Nga Express më 30.03.2009 në ora 11:23

Mitrovicë, 29 mars — Një person është ndaluar nga Policia e Kosovës në Mitrovicë pasi dyshohet se ka ushtruar dhunë në familjen e tij. Rreth orës 11:00, zyrtarët policor të stacionit policor jugu në Mitrovicë janë informuar për një rast të dhunës në familje të raportuar të ketë ndodhur në rrugën e ,,Shalës’’, në Tunelin e Parë.

Me të marrë informatën njësitë policore përkatëse kanë dalë në vendin e ngjarjes dhe kanë mësuar se i dyshuari i këtij rasti kishte keqtrajtuar babën dhe bashkëshorten e tij.

Viktima, bashkëshortja e të dyshuarit është dërguar në shtëpinë e shëndetit në Mitrovicë. Sipas raportit mjekësor, gjatë këtij sulmi fizik, viktima kishte pësuar lëndime të lehta trupore.

Pas deklaratave të dhëna zyrtarëve policor, viktima është liruar në shtëpi ndërsa i dyshuari me urdhër të prokurorit komunal është ndaluar në lokalet policore për zhvillim të hetimeve lidhur me rastin.

Plagosje me thikë në Skenderaj

Skenderaj, 29 mars — Autoritetet në stacionin policor të Skenderajt kanë pranuar një thirrje telefonike nga shtëpia e shëndetit në Skenderaj për prezencën e një personi të lënduar me plagë të shkaktuara si pasojë e therjes me thikë.

Policët e parë reagues kanë kontaktuar me viktimën e këtij rasti i cili ishte therur me thikë nga dy persona të njohur për të në fushën sportive, në fshatin Marinë.

Viktima me lëndime trupore të jashtë rrezikut për jetë, nga shtëpia e shëndetit në Skenderaj është dërguar në QKUK-Prishtinë për trajtim të mëtejme mjekësor. Në bazë të raportit mjekësor mësohet se gjendja shëndetësore e tij ishte stabile dhe pas trajtimit të dhënë në QKUK, viktima është liruar në shtëpi.

Policia ka arritur që të arrestojë sulmuesit e këtij rasti ndërsa thika e cila besohet se është përdorur në këtë rast është sekuestruar nga policia. Gjithashtu dhe dy të dyshuarit e këtij rasti kanë kërkuar ndihmë mjekësore për shkak të disa gërvishtjeve në fytyrë që dyshohet se janë shkaktuar gjatë përleshjes, ndërsa sipas raportit mjekësor lëndimet janë të natyrës së lehtë.

Pas marrjes së deklaratës në konsultim me prokurorin publik komunal të dyshuarit janë liruar në procedurë të rregullt gjyqësore.