Kabashi gjykohet për shpërfilljen e Tribunalit të Hagës

nga **Agim Gashi** Fri Aug 19, 2011 8:19 pm

Kabashi gjykohet për shpërfilljen e Tribunalit të Hagës

Dëshmitari kryesor në procesin gjyqësor ndaj Ramush Haradinajt, Idriz Balajt e Lahi Brahimajt, Shefqet Kabashi, është arrestuar dje dhe është transferuar në qendrën e paraburgimit në Sheveningen. Ai është arrestuar në bazë të një urdhëraresti ndërkombëtar të lëshuar nga Tribunali i Hagës.

Shefqet Kabashi, i cili kishte refuzuar të dëshmonte në procesin e parë gjyqësor, do të nxirret para gjykatës pasi akuzohet për shpërfillje të Tribunalit të Hagës. Ai akuzohet se në vitin 2007 nuk kishte pranuar të dëshmonte lidhur me çështjen Haradinaj e të tjerët, edhe pse ai gjendej në sallën e gjykatës.

Kabashi e kishte dhënë betimin se do ta thoshte të vërtetën, por pastaj nuk kishte pranuar të dëshmnte, me arsyetim se gjykata nuk ofronte mbrojtje të mjaftueshme për dëshmitarët. Ai kishte ikur nga Haga dhe kishte shkuar në Shtetet e Bashkuara të Amerikës, pasi ai është edhe shtetas amerika. Avokakti i Haradinajt, Ben Emerson, ka thënë se prokurorët do ta ftojnë Kabashin të dëshmojë, por mbetet ende e paqartë nëse ai do t'u përgjigjet pyetjeve të tyre.

Tribunali i Hagës ka thënë se dëshmia e Kabashit "është relevante për rigjykim, pasi ajo ndërlidhet me përgjegjësinë e të akuzuarve për krimet e kryera në selinë e UÇK-së" dhe në një burg të UÇK-së në fshatin Jabllanicë.

>>Vazhdon rigjykimi i pjesshëm i Haradinajt, Balajt e Brahimajt

>>Prokurori: Viktimat janë parë si kolaboracionistë dhe spiunë

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30