Egjipt, pushtohet ambasada e Izraelit (VIDEO LAJM)

nga **Agim Gashi** Mon Sep 12, 2011 10:20 am

Egjipt, pushtohet ambasada e Izraelit (VIDEO LAJM)
Protestuesit djegin flamurin e Izraelit

Qindra protestues egjiptianë kanë hyrë natën e së premtes në ambasadën e Izraelit në Kajro. Ata kanë hedhur jashtë nga dritaret dokumentet diplomatike dhe kanë djegur flamurin hebre.

Rreth 2 mijë demonstrues hodhën bomba molotov ndaj dy makinave të policisë egjiptiane dhe hapën zjarr nëpër rrugë përpara ambasadës.

Protestuesit e revoltuar nga vendimet më të fundit shtrënguan edhe ambasadorin izraelit të largohej nga Egjipti.

Kryeministri izraelit Beniamin Netanyahu thirri për ndihmë presidentin amerikan Barack Obama, ndërkohë që ftoi Egjiptin të garantojë sigurinë e përfaqësisë diplomatike.

Ai i shprehu presidentit amerikan në një bisedë telefonike shqetësimin e tij të thellë për situatën e rëndë ku gjendet ambasada e Izraelit në Kajro.

Pas sulmit në ambasadën izraelite ka reaguar edhe ministri izraelit i Mbrojtjes Ehud Barak, i cili gjatë bisedave telefonike me shefin e Departamentit Amerikan të Mbrojtjes dhe të dërguarin e presidentit Obama, Dennis Ross, i kërkoi ndihmë Shteteve të Bashkuara të Amerikës për të mbrojtur ambasadën.

Pas këtij apeli ka, ministri i Brendshëm i Egjiptit deklaroi gjendjen e emergjencës në vend duke dërguar dhjetëra automjete të blinduara në ambasadën e Izraelit, ku pati edhe përleshje mes forcave të sigurisë dhe demonstruesve.

Shtëpisë së Bardhë, Barack Obama apeloi që Egjipti të garantojë sigurinë e përfaqësisë diplomatike të Izraelit.

Sipas televizionit shtetëror egjiptian Al Arabiya, ambasadori izraelit në Kajro u largua drejt aeroportit bashkë me familjarët e tij dhe anëtarë të stafit të ambasadës, ndërsa një avion mbërriti nga Izraeli në mesnatë enkas për t′i kthyer në atdhe.

Zyrtarët izraelitë thanë për BBC se një grup protestuesish kanë hyrë në zyrat konsullore, por jo në pjesën kryesore të ndërtesës.

Media shtetërore njoftojnë se gjatë trazirave u plagosën rreth 400 persona, duke përfshirë edhe 46 policë. Në të njëjtën zonë janë dëgjuar të shtëna, por raportohet për të vdekur.

Protesta para ambasadës izraelite në Kajro filloi pas 18 Gusht, kur pesë policë u vranë. Izraeli nuk dëshiron të pranojë përgjegjësinë.

Shkak i kësaj revolte u bë një vendim i autoriteteve lokale për të shtuar forcat mbrojtëse të ambasadës së Izraelit, e cila u kthye në objekt të përplasjes së protestuesve egjiptianë pas vrasjes së pesë rojeve të kufirit egjiptian që pasuan atentatin me bombë në dy autobusë në zonën turistike të Eilatit.

Demonstruesit thanë se Egjipti duhej të ndiqte shembullin e Turqisë dhe kryeministrit të saj Rexhep Taib Erdogan, i cili e përzuri ambasadorin izraelit dhe tërhoqi edhe përfaqësuesin turk nga Tel Avivi në shenjë proteste për mungesën e ndjesës nga Izraeli ndaj sulmit të vitit të shkuar. /albeu.com/

Shikoni Videon:

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31