EDITORIAL: Kur bursat universitare shiten në pazar

nga **Agim Gashi** Thu Sep 15, 2011 10:19 am

14.09.2011, ora 23:00

Njoftimi i publikuar

Që sistemi arsimor në Shqipëri është në krizë tashmë dihet, por që ka ardhur puna deri këtu, ndoshta shumicës nuk ja merrte mendja. Në fakt, në të gjithë botën, universitet private dhe shtetërore, për të tërhequr sa më shumë studentë të mirë ofrojnë bursa studimi për më të suksesshmit. Pra, bursat në të gjithë botën u jepen studentëve të suksesshëm.

Por, çfarë ndodh në Shqipëri?

Një njoftim i publikuar në faqen e parë të numrit të sotëm të një gazete njoftimesh, është shumë i çuditshëm. Siç edhe mund ta shihni në fotografinë e këtij lajmi, një lexues jep një njoftim në gazetë ku nxjerr në shitje 2 bursa studimi në një universitet privat. Sikur nuk mjafton kjo, ai nuk harron të shtojë se bursat janë "me të drejtë zgjedhje të degës".

Gazetari i Portalit Albeu, duke u paraqitur si "i interesuar" për njoftimin, ka kontaktuar me personin që ka dhënë njoftimin.

Nga ky komunikim mësojmë se personi në fjalë ka fituar dy bursa nga një universitet në Tiranë, si shpërblim për personat që ka orientuar për t′u regjistruar te ky universitet, i cili në vend që të japë bursa për studentët e suksesshëm (siç bëjnë disa universitete serioze private në vendin tonë), ofron bursa dhe shpërblime tjera si celularë, kurs kuzhinierie, etj. për ata që çojnë për të regjistruar dikë tjetër.

Pra, universiteti në fjalë, në vend që të shpërblejë më të mirët në mësime, shpërblen komisionerët "më të suksesshëm", të cilët më pas i shesin këto bursa me çmime më të ulta se çmimet normale të universitetit.

Në fund të këtij proçesi të çuditshëm dhe unik për Shqipërinë, universiteti është i detyruar të regjistrojë personin që "komisioneri" i çon universitetit, pa marrë parasysh suksesin e tij në studime. Dhe jo vetëm kaq, universiteti i jep fituesit të drejtën për të zgjedh degën që do!

Ndërsa institucionet shtetërore nuk reagojnë ndaj këtyre fenomeneve që tashmë janë bërë normale në Shqipëri, komisionerët vazhdojnë punën e tyre.

Ç′mund të thuhet më shumë se kaq përveç urimit për blerësit e këtyre bursave. T′i gëzoni!!!

Albeu.com

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30