Tiranë: Basha në punë me biçikletë

nga **Agim Gashi** Thu Sep 22, 2011 8:50 pm

Tiranë: Basha në punë me biçikletë

Kryebashkiaku i Tiranës, dhe punonjësit e administratës së Bashkisë, shkuan sot në zyrat ku punojnë me biçikleta, në këmbë, ose me mjetet e transportit publik, në respekt të ditës botërore pa makina. Bashkia e Tiranës dha mesazhin e rëndësisë që ka për qytetin dhe qytetarët, lëvizja pa makina, në funksion të reduktimit të ndotjes dhe stresit.

Tiranë: Basha në punë me biçikletë Basha-biciklet22

Tiranë: Basha në punë me biçikletë Basha-biciklet22

“Dita pa makina është një rast i mirë për të reflektuar mbi pastërtinë e qytetit por edhe mbi stilin e jetesës së qytetarëve. Sot unë mora biçikletën për në punë, nuk është diçka e re për mua, nuk është diçka e re për qindra e mijëra qytetarë që biçikletën e kanë pasur mjet kryesor lëvizjeje, por sot gjërat janë ndryshe. Biçikletën e kam sjellë por nuk kam ku ta vendos. Ose duhet ta marr brenda në korridoret e Bashkisë, ose duhet ta çoj në një vend të posaçëm i cili nuk ekziston, ndërkohë që shumica prej nesh, sikundër edhe unë biçikletën nuk e kemi më mjetin tonë kryesor të transportit. Arsyet janë të shumta; arsyeja e parë: ku do ta lë, tani që erdha me biçikletë në punë, arsyeja tjetër, natyrisht trafiku shihet si një rrezik për çiklistët, dhe po kështu një rol jo më të pakët luan ndotja dhe perceptimi i ndotjes në kryeqytet”, tha Basha.

Tiranë: Basha në punë me biçikletë Me-biciklet22

Tiranë: Basha në punë me biçikletë Me-biciklet22

“Që biçikleta të jetë një mjet transporti, jo vetëm në ditën pa makina, jo në mënyrë ceremoniale nga Kryebashkiaku, por të jetë një mjet i preferuar, sepse i tillë duhet të jetë, sepse është një mjet i shëndetshëm, është një mjet i pastër, ne duhet të marrim disa masa. Së pari, duhet të sigurojmë stacione biçikletash në të gjithë qytetin dhe Bashkia do të nisë menjëherë nga puna për ta bërë këtë realitet me financimet e veta dhe në partneritet me sektorin privat. Së dyti, do të dedikojmë korsi biçikletash në të gjithë qytetin, kur ne të kemi përsëri ditën pa makina, ku në të gjithë qytetin e Tiranës do të shënohen mbi 22 km korsi e dedikuar për biçikletat. Së treti, qyteti do të jetë më i pastër dhe për këtë, një nga faktorët kryesorë pas ndotjes është trafiku kuturu, amullia e mjeteve private të cilat përdoren vend e pa vend, për të t’u dhënë qytetarëve komoditetin të lëvizin në qytet ashtu siç duhet të lëvizin pa asnjë vështirësi dhe pa u detyruar të marrin makinën në çdo rast”, u shpreh Basha.

Tiranë: Basha në punë me biçikletë Basha-biciklet4

Tiranë: Basha në punë me biçikletë Basha-biciklet4

Kryetari i Bashkisë së Tiranës, Lulzim Basha po ashtu premtoi investime në transportin publik të kryeqytetit. “Ne do të investojmë fuqimisht në transportin publik, ndaj brenda shtatorit do të përfundojnë termat e referencës për të përfunduar projektimin e një prej linjave të tramvait në Tiranë, dhe po kështu, do të investojmë për një qytet më të gjelbër dhe me më pak ndotje që flokët e çiklistëve të mos ndoten më shumë se flokët e motoristeve. Këto janë disa nga hapat që ne do të ndërmarrim dhe jam i vendosur për këtë agjendë, sepse të jetosh në një qytet më pak të ndotur e me më pak makina, e më shumë biçikleta, nuk do të thotë të jetosh në një qytet më të pastër, por do të thotë të jetosh edhe në një qytet më të shëndetshëm, me më pak stres me më shumë harmoni, gjëra për të cilat kemi nevojë të gjithë”, tha ai.

Tiranë: Basha në punë me biçikletë Qytet-bicikleta22

Tiranë: Basha në punë me biçikletë Qytet-bicikleta22

Tiranë: Basha në punë me biçikletë Bashkia-22bickileta

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30