Kryeziu shpall ringjalljen e LDK-së

nga **Agim Gashi** Sun Sep 25, 2011 12:35 pm

Kryeziu shpall ringjalljen e LDK-së

Udhëheqja e Lidhjes Demokratike të Kosovës ka nisur mobilizimin e strukturave të partisë për përgatitje sa më të mirë për garën e ardhshme zgjedhore, në nivelin nacional dhe atë lokal, shkruan sot Koha Ditore. Ndonëse marrëveshja për tejkalimin e krizës politike ndërmjet liderëve të PDK-së, LDK-së dhe AKR-së, parasheh që procesi elektoral në të dyja nivelet të zhvillohet në vjeshtë të vitit 2013, anëtari i Kryesisë qendrore të LDK-së, Eqrem Kryeziu, ka kërkuar nga bashkëpartiakët që nga tani të angazhohen për rikthimin e kësaj partie në pushtet.

“Qëllimi i ringjalljes është që në zgjedhjet e ardhshme LDK-ja t’i fitojë zgjedhjet si nacionale, ashtu edhe ato komunale. Pritjet e tilla janë edhe të qytetarëve. Qeverisja aktuale lë shumë për të dëshiruar. Më duhet t’i shmangen fjalorit kontrastik, por e vërteta është se njerëzit janë mërzitur nga kjo qeverisje. Ne e kemi borxh moral që qytetarëve tanë t’u japim një qeverisje të dinjitetshme”, ka thënë Kryeziu, pas takimit me përfaqësuesit e nëndegëve të LDK-së në Prizren.

Kryetari i Degës së LDK-së në Prizren ka shprehur bindjen se ekziston një disponim i duhur që ky objektiv të bëhet realitet në zgjedhjet e ardhshme.

“Koha e LDK-së po vjen”, ka porositur Kryeziu, duke shtuar se ky konstatim është konfirmuar edhe nga zyrtarë të huaj.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30