Ekspertë amerikanë në Tiranë për ADN e Arjan Selimit

nga **Agim Gashi** Thu Sep 29, 2011 10:43 pm

Ekspertë amerikanë në Tiranë për ADN e Arjan Selimit

Vrasja e Arjan Selimit, emri i vërtetë i të cilit është, Armand Andoni, ka vënë në lëvizje dhe autoritetet amerikane, me të cilat ky i fundit kishte një llogari të pambyllur, pasi akuzohej për trafikimin e 1 toni marijuanë.

“Gazeta Shqiptare” shkruan sot duke i referuar burimeve të rezervuara nga policia bëjnë të ditur se pritet që ekspertët amerikanë të vijnë në Tiranë për të marrë mostra të ADN-së së Selimit, për ta krahasuar më pas me ADN-në e Armand Andonit, i cili kërkohet prej tyre.

Në këtë mënyrë do të mund të vërtetojnë nëse i vrari i dy diteve më parë është pikërisht i kërkuari prej tyre, autoritetet do të firmosin mbylljen e dosjes.

Ndërkohë që sot paradite është zhvilluar ceremonia mortore në varrezat e Sharrës. Pas më shumë se 48 orësh në morg, trupi i pajetë i Arjan Selimit u dërgua mbrëmjen e djeshme në banesën e tij.

Në banesën e Selimit mbërritën mbrëmë, pas orësh të tëra udhëtimi, nëna dhe motra e tij, ndërsa për arsye të panjohura nuk ka udhëtuar drejt Shqipërisë babai i Arjan Selimit.

37 vjeçari u ekzekutua mbrëmjen e së hënës, pak metra larg pallatit ku banonte, kur dy persona qëlluan plot 20 herë në drejtim të Arjan Selimit, duke i shkaktuar vdekjen e menjëhershme.

Arjan Selimi kërkohej nga drejtësia amerikane për trafikimin e 1 toni marijuanë në vitin 1998. Selimi arriti të arratisej dhe të vinte në Shqipëri, ku ndryshoi dhe identitetin e tij, nga Armand Andoni në Arjan Selimi. Më pas në vitin 2004, ai është arrestuar nga drejtësia shqiptare, e cila e akuzoi si pjesëtar të grupit “Kompas”, grupi i cili ishte përgjegjës për trafikimin e dhjetëra kilogramëve heroinë dhe kokainë.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30