Shtyhet përsëri gjyqi për zhdukjen e Remzi Hoxhës

nga **Agim Gashi** Wed Oct 12, 2011 10:08 pm

Shtyhet përsëri gjyqi për zhdukjen e Remzi Hoxhës

Është shtyrë përsëri mbajtja e seancës gjyqësore për zhdukjen e biznesmenin Remiz Hozha. Shkak për shtyrjen duket se është bërë nga mungesa e e përgjigjes për letër porosinë nga autoritetet e Britanisë së Madhe.

Gjykata e Lartë shprehet se edhe pse letra është dërguar që prej muajit mars ende nuk ka ardhur asnjë përgjigje. Sipas gjykatës, autoritetet britanike nuk kanë ekzekutuar letër porosinë për marrjen si të pandehur të Ilir Kumbaros.

Gjyqi ishte parashikuar të zhvillohej të
premten (14 tetor). Gjyqi ka më shumë se katër vite që ka nisur dhe deri më sot gjyqi është shtyrë plot 90 herë.

Shtyrja e gjyqit vjen dy ditë pasi Ardian Hoxha, djali i biznesmenit të zhdukur prej vitit 1995, Remzi Hoxha, ka bërë thirrje që drejtësia shqiptare të dëshmojë se mund të vendosë drejtësi për këtë çështje.

Ardiani ka kërkuar nga shteti shqiptar që të urdhërojë ekstradimin e Ilir Kumbaros për në Shqipëri dhe të dëshmojë se në këtë shtet ka drejtësi.

Vrasësi i Hoxhës ka disa vite që fshihet në Britaninë e Madhe me emra dhe identitete të rrejshme. Biznesmeni shqiptar, Remzi Hoxha u mor peng më 21 tetor 1995, në ambientet e punishtes së tij të duraluminit në rrugën “Siri Kodra” në kryeqytetin shqiptar. Sipas prokurorisë, biznesmeni është torturuar në bazën e SHIK-ut në Vain të Lezhës dhe më pas nuk dihet asgjë për fatin e tij.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30