FRPD në Shkodër: Topi na fyeu, reagon presidenca ( Video )

nga **Agim Gashi** Mon Oct 17, 2011 11:56 am

FRPD në Shkodër: Topi na fyeu, reagon presidenca ( Video )

Replikat në distancë mes Presidentit të Republikës Bamir Topi dhe kryetares së Kuvendit Jozefina Topalli, kanë ngjallur reagimin i forumit rinor të partisë demokratike në Shkodër si edhe të qendrës kulturore të Shkodrës, “Pjetër Gaçi”. Në një reagim në formën e protestës, të rinjtë demokratë nuk kanë mirëpritur deklaratën e Topit mbi gjuhën e folur të Topallit, duke e konsideruar fyese ndaj dialektit të gegënishtes.
Pas këtyre deklaratave, ka ardhur edhe reagimi i presidentit Bamir Topi, i cili në një mesazh në faqen e presidencës sqaron se në asnjë rast, në asnjë fjalë apo veprim të tij nuk ka bërë komente kritike ndaj qytetit të Shkodrës, qytetarisë së saj, traditës së pasur të gjuhës apo të kulturës së saj.
Mesazhi kritik i Presidentit, siç mund të vërtetohet direkt përmes regjistrimeve televizive i është adresuar nominalisht një zyrtari të lartë të shtetit, e cila me qëndrime e sjellje joinstitucionale, keqpërdor detyrën kushtetuese, postin publik, etikën institucionale të komunikimit dhe vetë votën demokratike të Shkodrës. Çdo interpretim tjetër është jorealist dhe i sponsorizuar nga zyrtarë të veçantë, të cilët duan ta mbajnë qytetin peng të axhendave të tyre personale politike. Për këdo sot është e qartë se ky ose këta individë nuk përfaqësojnë Shkodrën as traditat e saj të çmuara kulturore, por vetëm një grup individësh të lidhur me interesa specifike pushteti, të cilët me rotacion nominal e kanë pronësuar me pa të drejtë vendimmarrjen politike të këtij qyteti.
Në fund të mesazhit, Presidenti shpreh edhe njëherë vlerësimin e tij më të lartë për Shkodrën dhe gjithçka që ky qytet ka përfaqësuar denjësisht në historinë e shtetit dhe shoqërisë shqiptare. Dy krerët e shtetit Topi dhe Topalli u përfshinë një ditë më parë në një përplasje deklaratash, që patën pikënisje nga akuzat e kryeparlamentares ndaj presidentit për procesin e integrimit.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31