Beqir Sina nderohet me çmim për publicistikë

nga **Agim Gashi** Fri Oct 28, 2011 10:14 pm

Beqir Sina nderohet me çmim për publicistikë

Gazetari i kombëtares Bota Sot nderohet në manifestimin “Ditët e Letërsisë Shqipe në SHBA”,

Gazetari i gazetës kombëtare Bota Sot në SHBA, Beqir Sina, u nderua dje me çmimin për publicistikë në manifestimin “Ditët e Letërsisë Shqipe në SHBA”, që u mbajt në Michigan.
Beqir Sina u theksua se është një nga gazetarët e dalluar që ndër të vetmit ka pasqyruar dhe ka trajtuar në mënyrë koherente, korrekte dhe profesionale zhvillimet dhe të gjitha aktivitetet e diasporës shqiptare në SHBA. Çmimi special i revistës “Kuvendi” iu nda shkrimtarit të mirënjohur Naum Prifti. Manifestimi i tillë tradicional që organizohet nga revista “Kuvendi”, u organizua edhe me nderim të poetit dhe atdhetarit Gjergj Fishta. Në këtë ngjarje kanë marrë pjesë emra të njohur të letërsisë shqiptare si Naum Prifti, Fatos Kongoli, Pierre-Pandeli Simsia, Merita B.McCormack, Gëzim Basha, përfshirë edhe emra të rinj dhe krijues të tjerë të letërsisë dhe kulturës shqiptare në SHBA. Në ceremoninë e organizuar qendrore kanë marrë pjesë: kryetari i Federatës Pan-Shqiptare “Vatra”, Dr.Gjon Buçaj, ambasadori shqiptar në Uashington, Gilbert Galanxhi, zv/ambasadori i Kosovës në Uashington, Jetish Jashari, sekretari i parë i ambasadës shqiptare, Arian Spasse, Konsulli i nderit Ekrem Bardha si dhe klerikët Dom Fran Kola e Dervishi i Teqes Bektashiane “Baba Rexhepi”, Elidon Pashai, e tjer.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30