Mentor Thaqi:DARKA E LAMËS!

nga **Agim Gashi** Sat Oct 29, 2011 12:17 pm

Mentor Thaqi:DARKA E LAMËS!
(Nderim Presidentit Rugova, Njeriut që ripërtëriu Traditen Ilire)

Në Lamën time
kohë e mot t´giatë
o Hyji im
po shtroj darkë
sublime,
për familjarë
mbarë,
njerëz gjaku
rreth oxhaku pranë,
po edhe me gjanë tanë
përanë!

Paj,
qe tremijë vjet
shtroj darken
në kasollen time
dhe kullen motake,
plot tremijë
në shpi për f´mij,
për vllazen e miq,
tremijë tjera
më përpara
pa fçinjë,
e qebesa
dhe tremijë tjera
kur n´ktë Europë t´lashtë
s´pat njeri
p´veç njerëzve t´mi!
Epo,
nuk janë pak,
janë plot nëntë mijë
që truri i kapë
dhe unë i di,
ato tjerat
i din veç TI
o Hyji im,
se flet vet Trolli
e flet buka,
djepi e varri,
n´shëntëri,
n´pragun tim!

Ev, sa shum darka shtruam
e sa shum, gufoi bereqeti,
sa motmote bekuam
e lum s´bamë veç për veti,
të nderuam TY o Hyji im,
e TI neve, na dhe bekim!

Gjithmonë n´Darkë t´Lamës,
lutjen e njëjtë kënduam
dhe uruam:
Për Koren e Motmotit
n´falënderim t´Zotit
në shtim t´përvjetshëm,
për shëndetin e popullit
me trashëgim t´përjetshëm,
t´shëndetshëm,
lindjet e mbara,
djepat në shtim,
bekuam varre
me shumë nderim,
për gjanë e gjallë,
delen rudë ilirie,
të ziun buall
dhe atë kec dhie,
lopët kuqloshe
të trojeve t´mia,
gjogu i moqem, sa vet Iliria,
Qeni deltar ilir,
Qen i Dardanisë,
besniku më i mirë,
vet Roja e Shpisë,
për Tokë, Uj e Diell
dhe Shqipen e lirë n´Qiell!

Ev,po na e la i pari,
babai i Shën Dardanit,
tevona, Jeronim e Kostantin,
n´trashëgim,
Bogdan dhe i Madhi Ibrahim
në Traditen tonë
shekujve n´kalim!
Nderuar kjofsh Hyji im,
që na japë Bekim!!!

Mentor Thaqi VS., 28.10.2011

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30