Dragusha Ragip:KANGA E LIRISË

nga **Agim Gashi** Thu Nov 24, 2011 1:16 am

Dragusha Ragip:KANGA E LIRISË

Gurgullo, ti kanga ime,
kalo notat mbi tastjerë,
merr me vehte shumë kujtime
... përmbi male, fusha blerë.

Prej Vermoshit n’anë t'Gramozit,
tanë brgdetin ti përshkoje,
n'Bjeshk’t e Nalta n'ujë t'kroit
ndalu pak, zanin freskoje.

Mbi balkonet e qytetit
ndalu n'goxhe drandofile,
përmbi valë të bregut detit
kndoi pra ti andërres sime.

Korcës nuse, plot sorkadhe,
Shkoderloces, tanë humor,
Gjirokastrës nalt në shkallë,
Kukës , Krumë mbulue me borë.

Mbi zambak të Prizrenit,
përmbi shkrepa të Mirditës,
mendjempreftet e Kalmendit,
për burrninë e Prishtinës.

Prej kalasë të Skenderbeut,
n'Mat e n'Lezhë me fluturue,
këndo për burrat e k’tij dheut,
për Shqipni që qenë betue.

Lule m'lule porsi bletë,
n'Durrës vallen kap përdorë,
Lushnje, Fier, deri n'Permet,
me kangë labe hyn në Vlorë.

Ngarko n'shpind nji qingj të pjekun,
shtroje n'sofër devollite,
shko n'Sarandë e vallen me hedhun,
ço ti shëndet me skraparllitë.

N'valle çame çoje zanin,
sa n'dëgjohet der n'Valbonë,
çiftelia t’ shoqnojë kangën
burrave t'shqipes malësore.

N'fole t'shqipes, n'majë t'Korabit,
prej atje krahët me i lëshue,
n'mes Shqipnisë, prej Elbasanit
n'majë t’Tomorrit me pushue.

Kalo n'Pejë e n'Mitrovicë,
lëshoje zanin der n'Ulqin,
përmbi Shkup edhe Drenicë,
n'Boletin ti këndo nji himn.

Atje mirë shaloi kalit,
sikur Isa bani atëherë,
kalo fusha e maja malit,
zbrit n’ Tiranë ti shend e verë.

Plavë, Guci e der në Oher,
kurrë ma shumë se sot m'u pjekë,
nisni vallen prej në Shkodër
edhe n'Vlonë te tanë m'u gjetë.

Hapna derën, famëmadhe,
pa shiko se kush ka ardhë,
kanga ime, jare shkodrane,
vjen tek ti me t'thane dy fjale:

E gjithë Vlona n'kambë asht çue,
n'këte ditë t'lume t'Pavarsisë
aty, pra, me ligjerue
kanga ime, kange e lirisë ..............

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30