Qytetarët ankohen për reduktime të ashpra të KEK-ut

nga **Agim Gashi** Sun Nov 27, 2011 9:58 pm

Qytetarët ankohen për reduktime të ashpra të KEK-ut

Ndonëse KEK-u kishte premtuar se furnizimi me energji elektrike do të stabilizohet pas hyrjes në sistem të njësisë B1, qytetarët vazhdojnë t’iu nënshtrohen reduktimeve të ashpra. Qytetarët e komunave Skenderaj dhe Drenas thonë se reduktimet me energji elektrike janë të ashpra dhe pa orar, ndërsa përveç kësaj ata ankohen se shpesh ndodh t’iu prishen pajisjet e amvisërisë për shkak të rrymës jo stabile.

Për shkak të problemeve teknike të enjten e kaluar KEK-u kishte ndalë nga puna njësinë B1, duke premtuar se furnizimi me energji elektrike do të rregullohet pas hyrjes në sistem të kësaj njësie. Por, reduktimet e shpeshta në terren dëshmojnë krejtësisht të kundërtën, duke shkaktuar pakënaqësi dhe zemërim të madh të qytetarët.

Demir Asllani, qytetar i Skenderajt, ka thënë për Kosovapress se në këtë komunë ka reduktime të mëdha me energji elektrike, pavarësisht se një pjesë e konsumatorëve janë pagues të rregullt të faturave të rrymës, por Korporata vazhdon të zbatojë shkyçjet kolektive, të cilat janë në kundërshtim me të drejtat e njeriut.

“Unë jetoj në Skenderaj, por edhe nëpër fshatra rryma kohëve të fundit shumë ndalet, domethënë janë reduktimet 4 me 2, 5 me 2 dhe është e drejtë kur flasin qytetarët, sepse njerëzit që paguajnë faturat i ndalet, kurse ata që kanë borxhe të mëdha deri në 10 mijë euro-15 mijë atyre nuk iu ndalet rryma. Pra, në komunën tonë për rrymë është katastrofë”, ka thënë ai.

Ndërkaq, mësuesi nga Prekazi, Gani Hamiti, thotë se është pagues i rregullt i energjisë elektrike, por pavarësisht kësaj KEK-u zbaton reduktime të ashpra edhe në fshatin e tij dhe për shkak të rrymës jostabile shpesh ndodh të prishen pajisjet e amvisërisë.

“Në fshatin ku jetojmë kemi shumë shpesh, domethënë është ndërprerje shumë, diku katër me dy, tri me një, domethënë ka shumë shpesh”, ka thënë Hamiti.

Edhe qytetarët e Komunës së Drenasit thonë se më shumë janë pa rrymë se sa me të. Amrush Cakaj, i cili thotë se është pagues i rregullt i energjisë elektrike, ka deklaruar se çmimi i energjisë elektrike është shumë i lartë, madje sipas tij Kosovës do t'i kushtonte më lirë energjia elektrike nëse do të blihej nga Gjermania, raporton Kosovapress.

“Katastrofë, gjashtë orë pa rrymë, një me rrymë. KEK-u me donacionet që i ka marrë ishin ndërtuar dy termocentrale me tri-katër herë kapacitet dhe këtë nuk e ka bërë. Paratë po i vjedhin, paratë po i jep Qeveria si donacione, por prapë më shumë pa rrymë se me rrymë. Lypin liberalizim të vizave, premton Qeveria që kjo është absurde në shekullin e 21 midis Evrope mos me pas rrymë. Si me hi në Evropë? Këto janë fjalë të kota”, ka thënë Cakaj.

Një çështje tjera me të cilat nuk janë të kënaqur qytetarët e Drenasit është edhe kontrata e KEK-ut me Ferronikelin, ku ky i fundit furnizohet me çmim më të lirë se sa qytetarët, të cilët kur kalojnë limitin paguajnë me çmim edhe më të shtrenjtë.

Ndryshe, KEK-u tash e 12 vjet pas përfundimit të luftës nuk ka rritur asnjëherë që të furnizojë me rregull konsumatorët, duke aplikuar reduktime të ashpra dhe pa orar. Kjo korporatë ka dështuar edhe në inkasimin e borxheve nga konsumatorët, ndërsa nga UNDP-ja është shpallur “kampion” për korrupsion.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30