Intervistë ekskluzive me Nazim Bllacën, ish pjesëtar i SHIK-ut- Pas çdo vrasje, festonim(VIDEO)

nga **Agim Gashi** Mon Nov 28, 2011 11:57 am

Intervistë ekskluzive me Nazim Bllacën, ish pjesëtar i SHIK-ut (VIDEO)

Intervistë ekskluzive me Nazim Bllacën, ish pjesëtar i SHIK-ut- Pas çdo vrasje, festonim(VIDEO) Int-bllaca

"Pas luftës ishte urdhër që të vriteshin krejt figurat e LDK-së. Pasi bëhej vrasja, mblidheshim të festonim dhe ishte një festë e vërtet për të gjithë" ka thënë Bllaca.
Bllaca ka akuzuar Hashim Thacin, Jakup Krasniqin dhe Ramë Bujën se kanë bërë presion shumë në familjen e tij. Ai ka thënë se këta e kanë shtyrë të dëshmoj kundër Limajt.

Bllaca: Pas çdo vrasje, festonim

Cila është periudha e errët e luftës, për të cilën Bllaca pretendon se nuk është folur asnjëherë? Sa persona i ka arrestuar ai gjatë vitit 1998 dhe a dihet gjë për fatin e tyre? A është Bllaca dëshmitarë në hetimin e trafikimit të organeve në rastin e “Shtëpisë së Verdhë”? Pse Bllaca është bërë dëshmitar në rastin “Limaj” për krime të luftës që dyshohet të jenë kryer në burgun e Kleçkës? Si ndihet Nazim Bllaca dy vite pas daljes së parë publike ku ka dëshmuar për vrasje dhe krime të rënda të pasluftës? Si ndihet Nazim Bllaca pas shqiptimit të dënimit të parë për ish agjentin tjetër të SHIK-ut, Fahredin Gashin, Farukun? A është i kënaqur ai me dënimin prej 18 vite burgim që i është shqiptuar Faruk Gashit? Sa do të dënohet Bllaca për bashkëpjesëmarrje në vrasjen e Salih Gashit? Cilat janë provat e Nazim Bllacës që dëshmon se Azem Syla ka qenë udhëheqësi i tij në SHIK?

Duke ndërlidhur shumë raste me figura qëndrore politike, Bllaca ka thënë se nuk ka dëshmuar kundër Limajt por tashmë e ka dhënë dëshminë e tij për gjithcka që përfshihen edhe njerëz më të lartë se ai dhe nuk është e ndershme t'ia hedhin fajin Fatmir Limajt. "Nuk bën me ia vesh Fatmir Limajt krejt. Burgu i Kleckës është themeluar në një mbledhje nga dikush tjetër. Dihet krejt. Jo, jo s'bën të ia hedhin fajin Limajt. Unë besoj se Limaj ka shënime dhe fakte për këtë", ka thënë Bllaca.

Ai ka folur për arrestimin e njerëzve që ka bërë gjatë korrikut-gushtit në vitin 1998 ku janë vendosur në Blinaj pastaj i janë dorëzuar Shukri Bujës për në Kleckë. Bllaca ka thënë se ky është fillimi i daljes në shesh të të vërtetave dhe rrëfimi i tij po vjen pasi 'ai dhe familja janë quajtur të Serbisë". "Unë kam bërë shumë për këtë shtet. Edhe unë kam ndërtuar, edhe për PDK-në e jo të më thonë se jam njeri i Serbisë" ka deklaruar Bllaca.

Ai ka akuzuar Hashim Thacin, Jakup Krasniqin dhe Ramë Bujën se kanë bërë presion shumë në familjen e tij. Ai ka thënë se këta e kanë shtyrë të dëshmoj kundër Limajt. Sipas tij, ai është detyruar të vras me urdhëra të shefit të tij, Shpresim Uka që i ka marrë nga Azem Syla. "Denoncimi im për krime lufte dikë do ta rrok, Hashim Thaçin, a Ramë Bujën apo Azem Sylën dikë do ta rrokë" ka thënë Bllaca.

"Pas luftës ishte urdhër që të vriteshin krejt figurat e LDK-së. Pasi bëhej vrasja, mblidheshim të festonim dhe ishte një festë e vërtet për të gjithë" ka thënë Bllaca. Bllaca ka thënë se po e bën që të ia dëshmoj popullit të Kosovës të vërtetën e tij, dhe tani krejt po i besojnë. Në pyetjen e gazetarit Kastriot Jahaj 'ku je mësuar të hulumtosh' ai është përgjigjur në shaka: " Nga ato shërbimet që i kemi pasur".

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30