Xhesika Vula:T’ia kthejmë Nëntorit Nëntorin

nga **Agim Gashi** Mon Nov 28, 2011 8:19 pm

Xhesika Vula:T’ia kthejmë Nëntorit Nëntorin
--------------------------------------------------------------------------------

Festa e katërfishtë kombëtare 28 Nëntori po kremtohet gjithandej hapësirave shqiptare. Pavarësisht ndarjeve me kufij të imponuar, shqiptarët sot shpirtërisht janë të bashkuar në manifestimet dinjitoze që do të organizohen nëpër të gjitha qendrat shqiptare, duke filluar nga Vlora, Tirana, Prishtina e Shkupi. Klasa politike si në Shqipëri ashtu edhe në Kosovë e Maqedoni nuk arrin t’i kapërcejë përçarjet e ngushta edhe në një ditë të tillë të përmasave sublime siç është 28 Nëntori. Është pikërisht një ditë si kjo që e bënë edhe më të dukshëm mungesën e vullnetit të elitave politike shqiptare andej e këndej kufirit, të cilët kurrsesi të jenë në lartësinë e detyrimeve kombëtare dhe kushtetuese. Mos-trajtimi i 28 Nëntorit si festë zyrtare në Kosovë ka bërë që institucionet shtetërore të kufizohen vetëm në përcjelljen e urimeve dhe mesazheve formale, të cilat në të shumtën e rasteve janë të përshtatura kujdesshëm ndaj frymës së kohës. Jo pa të drejtë reagoi krye-kuvendari i Kosovës, Jakup Krasniqi i cili u shpreh i pakënaqur me mos-futjen e 28 Nëntorit në ligjin për festat zyrtare. Shqiptarët e Kosovës Lindore sot do të festojnë 28 nëntorin duke organizuar protesta në Bujanoc dhe Preshevë, ku do të shprehin pakënaqësinë për gjendjen e rëndë politike dhe sociale në këtë trevë si dhe moslejimin e përdorimit të Flamurit Kombëtar, që ishte përdorur deri para ardhjes së regjimit të Sllobodan Millosheviçit. Prandaj, testamenti i Dëshmorit të Kombit, Bahri Fazliu-Gzimi pikërisht në këtë ditë të shënuar bëhet më i kuptueshëm se kurrë: “T’ia kthejmë Nëntorit Nëntorin. Që të gdhihemi në Nëntor duhet që të sotmen ta bëjmë të shndritshme sa kujtesën, të djeshmen ta bëjmë udhëzuese të së sotmes. Nëntorin s’bën ta lëmë pa Nëntor!”.

Xhesika Vula:MASHTRIME!

Heu, sa “mrekulli” -në këtë shtet,
Të zi, shumë të zi,
Me emrin e pistë, Jugosllavi;
... “Vëllazërim-bashkim,
Xhelati me viktimë!
“Vetëqeverisje”, -me vrasje,
burgosje dhe arratisje,
E, gjithë kjo idiotizëm,...
Formulohet, nën maskaradën,
T I T I Z Ë M.
Derisa, Tito Matuf Papagalli,
Po i zbaton amanetet, rrëmetet,
Që ia la i pari, –krajli!
Paturpshëm -po llomotitë
Nëpër botë, -për paqe e barazi,
Po trillon e po zhurmon kot,
Gjuhë-shpatë...
Ditë e natë!
Shqiptarët enveristë,
-Çlirimtarët, anti-fashistë!
Gjakun po derdhin rrëke,
Nga ky tradhtar,
Nga ky xhelat!
Kaos në të zezën shkini,
Si s´ka -zi e më zi!
Bashkëjetesë, -për faqe të zezë,
Gjithçka, si në ëndrrat –hata!
Po ikën e po rikthehet në dëshpërim,
Sepse, jemi në pushtim...
Qëndro në beteja të reja,
O, populli im!
Sot, o nesër...
E jona do jetë,
A R DH M Ë R I A
Do bëhet vërtetë, jona,
SH Q I P Ë R I A...

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30