Miku i mirë mes miqve të dashur

nga **Agim Gashi** Thu Dec 22, 2011 2:32 am

Miku i mirë mes miqve të dashur

BEQIR SINA, New York
Miku i mirë mes miqve të dashur Engel-pritja1

Në prag të Krishtëlindjeve, kongresisti Engel organizoi një pritje tradicionale

Në mes e mysafirëve të tij më të preferuar të ftuar edhe anëtarë të komunitetit shqiptarë në Nju Jork
Miku i mirë mes miqve të dashur Engel-pritja2

Miku i mirë mes miqve të dashur Engel-pritja2

YONKERS - NEW YORK : Edhe këtë sesion të festave të fundvitit, anembanë SHBA-es, po zhvillohen bankete të organizuara nga kongresmen, senatorë, personalitete të njohura politike, afaristët, artistët dhe zyrtarët e lart amerikanë, biznesmenët e suksesshëm, kompanitë, amerikane dhe shqiptare me rastin festave të fund-vitit, Krishtëlindjen dhe Vitin e Ri. Kjo bëhet me gjasë për të shprehur një mirenjohje dhe respekt të thellë, ndaj të gjithë miqëve dhe të afërmeve , mbështetësve të tyre, për punën dhe përkrahjen.
Dje, përsëri në lokalin tepër luksoz "The Riverview" në Yonkers - New York, rreth 100 kilometër në veri të qytetit të New Yorkut, në bregun e lumit Hudson, ishte ligjvënësi demokrat nga Nju Jorku Eliot Engel, bashkëkryetar i Grupit për çështjet Shqiptare në Kongresin amerikan, miku i shquar i shqiptarëve, i cili ftoi në një drek festive më shumë se dyqindë veta.
Në mes e mysafirve të tij më të preferuar kongresmeni Eliot Engel, permendi mikun e ngusht të tij, zotin Harry Bajraktari, me zonjën Liza Milicaj, (një zyrtare e lart e njërës prej Borough të qytetit të New Yorkut, këshilltare në Bashkinë e qytetit Pleasantville të New Jorkut) , veprimtarin e dalluar Rustem Geci dhe Avni Geci, nënkryetarin e Vatrës zotin Agim Rexhaj me bashkëshorten e tij zonjën Laura Rexhaj, avokatin Yleber Dauti, veprimtarët e dalluar, babë e birë, Nikë dhe Luis Gjelaj, dhe nga Shoqata e Komunitetit Shqiptaro-Amerikan, bashkë themeluesin zotin Mark Gjonaj.
.
Ligjëvënsi amerikan Eliot Engel, i rrethuar nga bashkëshortia e tij, vajza, anëtarët e stafit, tha se ai ka zgjedhur këtë rast, për t'ua uruar, miqve, kolegëve dhe mbështetësve të tij, me anë të një përshëndetje të veçantë festat e fundvitit. "Kjo, tha Engel, është si një kartolinë urimi nga ana ime për ju të gjithë, të dashur miq që, po më mbështesni, në fushatën time për të marrë edhe një mandat tjetër në Dhomën e Përfaqësueseve, zgjedhjet e vitit të ardhëshëm (3 nëntor 2012)".
Zoti Engel ju drejtua më pasë me një mesazh tradicional urimi mysafirëve, duke shprehur urimet më të përzemërta, me dëshirat më të mira për lumturinë e të gjithëve. Në shenjë respekti ai permendi emrat e miqve më të afërt, dhe personaliteteve të veçanta, si anëtarin e Këshillit të Bashkisë së New York-ut, James Vacca, kryetar i Komitetit për Transport dhe shërbime komunale në New York.

"Në prag të Krishtëlindjeve, Hanukan, dhe Vitit të Ri, tha zoti Engel kur të gjithë jemi përfshirë në gëzimin e këtyre festave, Ju shpreh urimet e mia, të bashkëshortes time Peti (Patricia Ennis Engel), vajzës Julia, djemëve Jonathan dhe Philip, urime të përzemërta me dëshirat më të mira për lumturinë Tuaj dhe të Familjeve Tuaja."
Miku i njohur i shqiptarëve, kongresiti amerikan, demokrati i New Yorkut, Eliot Engel, i njohur ndryshe edhe si miku ynë, por edhe si zëri i fuqishëm i çështjes shqiptare në Capitol Hill, "ambasadori" i çështjes shqiptare, në Washington, rezervoi një takim të veçantë për mysafirët e preferuar të tij shqiptarë. Në fund në shenjë kujtimi ligjëvënsi amerikan Eliot Engel, dhe zonja Patricia Ennis Engel bënë një fotografi të përbashkët, me grupin e shqiptarëve.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30