Vetëm për të qeshur e Vetëm për të qeshur

nga **Agim Gashi** Tue Jan 03, 2012 12:05 pm

Njerëzit që i shohim më së shpeshti në sferën publike, ndodhë të na bëjnë edhe të qeshim. ky humor shpesh është cilësor sa edhe serioziteti i tyre. Gazeta Jeta në Kosovë ka bërë përmbledhjen e deklaratave më interesante të vitit 2011.

Enver Hoxhaj:
“Të gjithë do të vdesim e do të bëhemi hi, emri i Hashim Thaçit do të rrojë përherë”.
Kuvendi i PDK’së, 2010.

Aktivistët e Vetëvendosjes pyesin Thaçin: A i ka hipur skive Qeveria (disa nga ministrat kishin shkuar në Bullgari për të hartuar programin ekonomik)?
AAB, prill 2011.

Hashim Thaçi (Vetëvendosjes):
“Dallimi mes meje dhe jush është se unë e dua flamurin (shqiptar) pa yll, kurse ju e doni flamurin me yll”.
Parlament, Qershor 2011.

Behgjet Pacolli:
“Do të jem Tito i Kosovës”.
“Miku im Gaddafi ende nuk e ka njohur Kosovën, e unë as që e kërkoj këtë gjë nga ai”.
Globus, Janar 2011.

Rexhep Qosja:
“Vepra ime mendore dhe vepra ime politike i duron ato (kritikat) siç duron çdo bjeshkë një frymë të ligshtë e të përkohshme”.
Infopress, Dhjetor 2011.

Rexhep Qosja:
“Unë e di se për një shkrimtar, i cili jetën ia ka kushtuar letërsisë dhe ia ka kushtuar jo për t’u ushqyer prej saj, por për të ushqyer vlerat estetike, etike, kombëtare dhe shoqërore, të jesh i përndjekur prej Pinarëve të kohës sonë, si Bodleri prej Pinarit francez në kohën e tij, është lëndë për trajtim të veçantë historik”.
Infopress, Dhjetor 2011.

Isa Mustafa:
“Rexhep Qosja një ditë do të çmendet”.
Indeksonline.net, Nëntor 2011.

Jakup Krasniqi:
“Kemi interpelancë të kërkuar nga grupi parlamentar i Vetëvendosjes për ministrinë…ministren e tregtisë, telekomunikacionit…ministrinë e tregtisë, industrisë, ekonomisë…(kur e sheh që s’po ia qëllon) I kanë bërë shumë...”.
KTV, dhjetor 2011.

Florin Krasniqi:
“Kamish mshele, kur foli unë t’lutem…t’lutem, kur t’foli unë, mshele! Mshele…”.
Parlament, 2011.

Kamishi (Bekim Haxhiu) ia kthen Florin Krasniqit:
“Sa buburreci je i vogël me i thënë dikujt mshele. Shumë shumë i ultë je. Po me pasë pushtetin ti, çka bën?”.

Florin Krasniqi:
“A është Hashim Thaçi miliarder? Mendoj se jo. Hajde bindem se teshat që i veshë Hashim Thaçi nuk kushtojnë 3,000 euro. Ku i merr ky njeri këto para? Firmat H., T. etj. Hashim Thaçi veshë kravatë të 500 eurove”.
lajmesot.com, dhjetor 2011.

Gazetarët e pyesin Zëvendëskryeministrin Hajredin Kuçin, çka pas 15 shtatorit (marrëveshjes Kosovë-Serbi)?.
Kuçi përgjigjet: “Me siguri do të jetë i 16’ti”.
Qeveri, Shtator 2011.

Christopher Dell për Jakup Krasniqin (ky i fundit kundërshtonte që kuvendi të kërkojë shpjegim nga Gjykata Kushtetuese për imunitetin e deputetëve):
“Sigurisht nuk është i përshtatshëm të shërbejë si President i Kosovës, E di se është synim i tij. Ajo çfarë ka provuar të bëjë këto ditë, është pasqyrim i ambicies së tij frustruese dhe mendoj se është dëshmia më e qartë pse ai nuk është i përshtatshëm për atë pozitë”.
VOA, korrik 2011.

Edita Tahiri ngatërrohet duke përdorur terminologji të ndërlikuar në televizion:
“Serbia ka ndërhyrë në mënyrë ilegale në shtetin e Kosovës që nga viti 1999…nuk e di çka është kjo (që po them)”.
KTV, tetor 2011.

Shefqet Krasniqi:
“Vetëvendosja është thjesht një lëvizje enveriste. Është mëkat me ia dhënë votën”.
KLAN Kosova, korrik 2011.

Vetëvendosja ia ndan Rektorit Mujë Rugova çmimin: ‘Doctor Korrupsionis Causa’.
Prishtinë, nëntor 2011.

Jean Francois Fitou, aktivistëve të Vetëvendosjes që ndalin një debat në Mitrovicë të Ministrit Bajram Rexhepi: “Të vish në një takim, ta fyesh ministrin e të flasësh banalitete, më falni, por kjo është Evropa e vitit 1943. Kjo është fashizëm.
Mitrovicë, tetor 2011.

Hashim Thaçi:
“Për 15 muaj, nga janari i vitit të ardhshëm (2010), do të ndodhë liberalizimi i
Vizave”.
Koha Ditore, dhjetor 2011.

Gjergj Dedaj, për rastin e shumëpërfolur me Hashim Thaçin gjatë luftës:
“Ka pasur maltretim fizik, psikik, moral...disa anëtarë të delegacionit janë torturuar edhe fizikisht. Edhe unë jam maltretuar fizikisht. Ai edhe na ka marrë në pyetje, na ka bërë presion”.
KTV, dhjetor 2011.

Albeu

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30