Arrestohet për terrorizëm 25 vjeçari amerikan me prejardhje nga Kosova

nga **Agim Gashi** Tue Jan 10, 2012 4:54 pm

Arrestohet për terrorizëm 25 vjeçari amerikan me prejardhje nga Kosova

Autoritet thonë se ai i kishte thënë agjentit se, “Ne të gjithë do të vdesim, ndaj pse të mos vdesim sipas mënyrës islamike ?” Prokurori amerikan Rober O’Neill tha se mjetet e dhëna Sami Osmakac-it ishin të manipuluara më parë nga agjentët.

Një shtetas me prejardhje nga Kosova është arrestuar në SHBA, pasi akuzohet për terrorizëm. Bëhet fjalë për 25-vjeçarin Sami Osmakac, pasi ai akuzohet për planifikimin e hedhjes së bombave dhe për sulme në Tampa, sikundër dhe për tentativë të përdorimit të armëve të shkatërrimit në masë.

25-vjeçari do të paraqitet në Gjykatë pasditen e sotme dhe nëse shpallet fajtor mund të dënohet me burgim të përjetshëm dhe me gjobë 250.000 dollarë.

“Dua të bëj diçka të tmerrshme. Sikur një ditë, një natë, diçka do të ndodhë. Pastaj, pas 6 orësh diçka tjetër”, ka thënë Osmakac, sipas burimeve të policisë.

Zyrtarët pohojnë se 25 vjeçari u takua me një agjent të fshehtë të FBI-së nga i cili u mundua të blejë armë të ndryshme, përfshi një AK-47 si dhe një bombë që vihet në makinë dhe një rrip me eksplozivë të ndërtuar për të vrarë një numër të madh njerëzish.

Policia amerikane falënderoi komunitetin musliman të zonës që e lajmëroi kosovarin. Ai ra, të shtunën në mbrëmje, kur thirri në një hotel personin që duhej t’ia shiste eksplozivët, e që qëlloi të jetë agjent federal. Ai e xhiroi Samiun duke shpjeguar arsyet pse donte të blente eksplozivët. Ai dëgjohet duke thënë se gjaku i myslimanëve është më i vlefshëm se i atyre që nuk besojnë në Islam, dhe se ai donte hakmarrje për të gjitha të këqijat që po u bëheshin myslimanëve.
http://video.foxnews.com/v/1377154707001/terror-suspect-arrested-in-florida-bomb-plot

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30