LDK: Qeveria nuk ka politika të duhura për arsimin universitar

nga **Agim Gashi** Thu Jan 12, 2012 1:17 pm

LDK: Qeveria nuk ka politika të duhura për arsimin universitar

Qeveria e Kosovës nuk ka politika të duhura për arsimin universitar publik, si një nga shtyllat e zhvillimit të shoqërisë në të gjitha fushat dhe si një veprimtari të cilën qeveria ka obligim ta përmirësojë e ta zhvillojë, ka vlerësuar Lidhja Demokratike e Kosovës.
Sipas kësaj partie, për fat të keq, qeveria gjatë tërë vitit 2011 nuk ka arritur asnjë rezultat në këtë fushë të rëndësishme, mirëpo vetëm ka rritur artificialisht numrin e përfshirjes në universitetet publike dhe me këtë, pos tjerash, ka rrezikuar edhe atë nivel cilësie që kemi në arsimin universitar.

Lidhja Demokratike e Kosovës konsideron se Universitetit të Prishtinës i duhet më shumë përkrahje dhe pavarësi financiare, qoftë për universitetin në tërësi, qoftë për njësitë akademike në veçanti.

”Programet e studimeve duhet t’i vendosin vetë universitetet, pa asnjë trysni politike nga ana e qeverisë. Universiteti i Prizrenit, universiteti i dytë publik në vend, funksionon me vështirësi tepër të mëdha, pa ambiente të duhura të punës dhe pa përkrahjen e duhur të qeverisë. Madje, edhe akreditimi 1-vjeçar i këtij universiteti është kundërligjor, meqë nuk mund të akreditohen vetëm për një vit as programet e reja e lëre më universitetet”, thuhet ndër të tjera në kumtesën e LDK-së.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30