PDSH akuzon BDI-së se po e shkatërron arsimin

PDSH akuzon BDI-së se po e shkatërron arsimin




Deputetja e PDSH-së Sadije Iljazi, tha se 'serviliteti i BDI-së është bërë i padurueshëm për shqiptarët'


Partia Demokratike Shqiptare ka akuzuar Qeverinë e në veçanti BDI-në për siç thuhet shkatërrimin e arsimit shqip në Maqedoni. Si dështime të partisë shqiptare në pushtet, PDSH-ja përmend paralelet shqipe në shkollën e mesme të mjekësisë në Shkup, situatën me paralelet shqipe në Idrizovë, Strugë, në Kumanovë dhe së fundi në Tetovë.
“Kjo Qeveri përveç përurimeve nuk di gjë tjetër, por edhe kjo në Tetovë nuk u eci për dore. Shkolla e cila u përurua në Drenovec, që nga ajo dite nuk u hap më. Ata menduan se tetovarët dhe gjithë shqiptarët do t’ju besojnë kësaj gënjeshtre.
Ne i apelojmë BDI-së duart larg nga arsimi shqip në Maqedoni. Ne do ta mbrojmë me çdo kusht arsimimin e gjeneratave të reja në gjuhën tonë shqipe. Publikisht pyesim BDI-në kur do të bëhet partnere e vërtet e koalicionit qeveritar, pasi që serviliteti i saj është bërë i padurueshëm për shqiptarët”, deklaroi Sadije Iljazi, deputete e PDSH-së.