Piloti Xhejms Berisha arriti në Kosovë

nga **Agim Gashi** Thu Jan 19, 2012 8:28 pm

Piloti Xhejms Berisha arriti në Kosovë

Piloti i njohur shqiptar Xhejms Berisha ka arritur në Kosovë nga Eritrea, ku është mbajtur në burg për pesë muaj.

Dhjetëra qytetarë dolën ta presin në Aeroportin e Prishtinës “Adem Jashari”, pilotin e njohur shqiptar, Xhejms Berisha, i cili është mbajtur i burgosur në shtetin e Eritresë për pesë muaj. Në konferencën për media, Berisha tregoi për vuajtjet që ka përjetuar atje. I emocionuar dhe me lotë në sy, tha se ka përjetuar trauma të shumta, por tha se nuk ka pasur keqtrajtime. Sipas tij, problemi kryesor për ndalimin në Eritre është fakti që ai ka shtetësi amerikane.
“Problemi kryesor ka qenë që që jam shtetas amerikan. E urrejnë shumë Amerikën. Çdo individ që ka të bëjë me shtetin amerikan, domethënë e konsiderojnë si agjent i CIA-s. Ani pse nuk kam të bëj asgjë me shtetin amerikan, përveç që jam shtetas, kam pasaportën amerikane, unë jam agjent i CIA-s amerikane”, tha ai.
Pavarësisht vuajtjeve të shumta, Berisha tha se ndihet krenar për gjithçka që ka bërë për pavarësinë e Kosovës.
“Ndihem i kënaqur, pa marrë parasysh se jeta erdhi deri këtu, asnjë minutë nuk më pengon që kam kaluar në burg, veç ta çojmë këtë vend përpara”, theksoi ai.
Për lirimin e pilotit Berisha ka kontribuar zëvendëskryeministri Behgjet Pacolli. Ai tha se misioni për lirimin e Berishës, ka qenë ndër më të vështirët.
“Prandaj merita ëshët e të gjithë neve. Është meritë e diplomacisë së Kosovë, e Qeverisë së Kosovës dhe unë jam pjesë e asaj merite normalisht”, tha Pacolli.
Piloti Berisha falënderoi zëvendëskryeministrin Behgjet Pacolli, institucionet dhe qytetarët e Kosovës për lirimin e tij, por ndërkohë drejtoi edhe kritika për Qeverinë, për mungesën e mbështetjes së misionit të tij lobues dhe për mosdhënien e pasaportës diplomatike. Të gjitha përjetimet Berisha tha se do t’i paraqesë në një libër dhe në një dokumentar, ndërsa ka shprehur dëshirën që aeroplani me të cilin ka lobuar në 130 shtete të ruhet në Muze të Kosovës.

>> Për lirimin e Berishës ka kontribuar edhe kongresisti Engel >> Komente (13)

>> Pacolli liron Xhejms Berishën >> Komente (73)

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30