Kosova përkujton Ibrahim Rugovën

nga **Agim Gashi** Sat Jan 21, 2012 12:42 pm

Kosova përkujton Ibrahim Rugovën

Në 6 vjetorin e shkuarjes në amshim, sot me dy mbledhje komemorative, do të përkujtohet presidenti historik i Kosovës, Ibrahim Rugova-burrë shtetasi, vizionari dhe arkitekti i pavarësisë së Kosovës.

Me rastin e këtij përvjetori, nën përkujdesjen e presidentes së Republikës, Atifete Jahjaga, në Teatrin Kombëtar të Kosovës (në orën 11:00) do të mbahet një akademi përkujtimore.

Po ashtu, presidentja e Republikës fillimisht do të vizitojë familjen Rugova, ndërkaq më pas bën homazhe te varri i presidentit Ibrahim Rugova.

Ndërkaq, në Sallën e Kuqe të Pallatit të Rinisë në Prishtinë (në orën 13:30) po ashtu edhe LDK do të mbajë një akademi përkujtimore kushtuar themeluesit dhe liderit të vet shumëvjeçar, Ibrahim Rugova, në të cilën do të flasë kryetari i LDK-së. Dr. Isa Mustafa.

Ndërsa, për Ibrahim Rugovën si figurë të dijes dhe të kulturës do të flasë akademik Sabri Hamiti, nënkryetar i LDK-së. Fillimisht paradite (në orën 10:30), kryetari i Lidhjes Demokratike të Kosovës (LDK), Isa Mustafa, dhe anëtarët e Kryesisë së LDK-së do të bëjnë homazhe dhe do të vendosin kurora lulesh mbi varrin e Presidentit Rugova.

Edhe krerët e AAK-së do të bëjnë homazhe te varri i presidentit Rugova, në 6 vjetorin e vdekjes së tij. Po ashtu në orën 10:00, edhe presidenti i AKR-së, Behgjet Pacolli, i shoqëruar nga anëtarë të Kryesisë së partisë dhe shefja e grupit Parlamentar, Myzejene Selmani, do të bëjnë homazhe te varri i presidentit Rugova.

>> Nesër përkujtohet presidenti Rugova >> Komente (47)

>> Del nga shtypi libri “Rugova i letërsisë” >>

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31