Hasan Qyqalla:GJAK PËR ZEMËR

nga **Agim Gashi** Fri Feb 10, 2012 10:58 pm

Hasan Qyqalla:GJAK PËR ZEMËR

1.
...dhe futemi në botën e njomsisë

mbase prej kohe përpiqem të të prek dellin
relaksu’r jem
pak unë pak ti edhe ai
xhan o xhan
të than...

Kam zhuritje
të të përqafoj

kur yjet shndrisin më natë
të josh ëndrrën logut të blertë
të ledhatoj imazhin në valë
natën e shekujve të mundim
i zënë rob ... rinjohje mall!

2.
Vallë a do vij ajo ditë
të bëhesh i imi
të bëhem i ty
përse më le të vuaj së koti
të dua ëndrra ime e gjallë ...
të dua si foshnja t’amë

si kalama kur ëndrroja djepin e urtisë
këngën e dashurisë ...
mbyllë në kafazin e hapur ...“rob i Lirisë"

Sonte do rri zgjuar...
më bëj pak streh
dua të dëgjoj frymëmarrjen tënde
ta dish sa kam vuajtur
nëpër furtun...
... më ngroh më frymëmarrjen tënde

dëgjo zemrën që rreh
t’ëndrrova dhe shpalosa folen e shpirtit
që kurrë nuk zuri vend gjersa takoi TY

3.

E sot do fle i qetë në gjoksin prush
pikturë ëndrrimtare

që falë mos i qofsha as Da Vinçit
për Monalizen e tij
“heu vdeksha për Ty”!

Do fle i qetë
as shekujt s’do mjaftojnë për jetë
aty ku qëndron madhështore Kala e Kastriotit
aty ku Buna kalon me ujin e saj si kristal
aty ku Lana
ver’ e dimër gurgullon
ej ... dëgjo

dëgjo ...
kambanat e zemrës
me afshin e zjarrtë
dasëm do bejë Kosova e përvuajtur me krushqi malësie

mbase edhe mal’ e fusha blerojnë

Të betohem sa herë
dola të të kërkoja
jo për poezi
kisha dëshirë të të prekja
të flisja për dashuri...
të prisja ... të ndiqja me vargje

shtigjeve të mugëta
të betohem Shqipëri
...zemrën lë peng
n’djep qytetërimi

streho në folen e hirtë
të betohem
pikëpjekje dashuri
ditarin do bëjë poezi
gjak për zemër
Kosovë – Shqipëri
NJË GJAK NJË EMËR!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30