Tre të vdekur nga orteku i borës në Restelicë

nga **Agim Gashi** Sat Feb 11, 2012 8:18 pm

Tre të vdekur nga orteku i borës në Restelicë

Restelicë, 11 shkurt 2012 – Një ortek bore, me thellësi 10 metra dhe me gjerësi 500 metra ka goditur 15 shtëpi, të cilat gjenden në anën e djathtë të fshatit Restelicë të komunës së Dragashit.

Lajmin e ka konfirmuar për Radion Evropa e Lirë zëvendësministri i Forcës së Sigurisë së Kosovës, Shemsi Veseli.

Ai ka thënë se “si pasojë e këtij orteku, vdekjen e kanë gjetur të paktën 2 persona, ndërkaq, që dyshohet se të paktën edhe 6 persona të tjerë gjenden të mbuluar me borë”.

Në vendngjarje, për të ndihmuar për largimin e borës dhe shpëtimin e mundshëm të banorëve të goditur nga orteku, kanë dalur njësitë e FSK-së, të Policisë së Kosovës dhe banorët lokal.(b.b.)

***

Shumë aksidente për shkak të motit

Prishtinë, 11 shkurt 2012 – Moti me erë të madhe dhe reshje bore që ka mbretëruar gjatë natës në Kosovë, ka ndikuar në dyfishimin e aksidenteve gjatë 24 orëshit të fundit, ku në njërin prej tyre 3 persona kanë vdekur.

Zëdhënësi i Policisë së Kosovës, Brahim Sadriu tha për Radio Blue Sky se ky aksident ka ndodhur në Leposaviq. Ndërsa, përgjithësisht janë shënuar 88 aksidente nga të cilat 11 me të lënduar.

Ndërkaq, sot, komunikacioni në rrugët magjistrale dhe rajonale po zhvillohet me më shumë vështrësi për shkak të ortekëve, megjithëkëtë, ato vazhdojnë të jenë të kalueshme, pos pikës kufitare në Kullë.

Në rajonin e Dukagjinit situata paraqitet më e rënduar ku nga bora që po vazhdon të bie, në shumë vende tashësia e borës ka kaluar mbi 1 metër.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30