U jepet lamtumira e fundit 9 viktimave në Restelicë

nga **Agim Gashi** Mon Feb 13, 2012 9:33 pm

U jepet lamtumira e fundit 9 viktimave në Restelicë

Presidentja e Republikës së Kosovës, zonja Atifete Jahjaga ka shpallur ditën e sotme ditë zie shtetërore, në nderim të anëtarëve të familjeve Reka, që pësuan në fatkeqësinë natyrore në fshatin Restelicë të komunës së Dragashit.
U jepet lamtumira e fundit 9 viktimave në Restelicë Res610x-6

U jepet lamtumira e fundit 9 viktimave në Restelicë Res610x-6

(I Plotësuar) - Pasdite është bërë varrimi i nëntë viktimave të tragjedisë që goditi Restelicën. Kurse, po vazhdon operacioni i Forcës së Sigurisë, në kërkim të personit të njëmbëdhjetë të familjes Reka, që dyshohet se gjendet nën gërmadhat e shkaktuara nga orteku i së shtunës.
Njësitë e Forcës së Sigurisë së Kosovës, janë duke vazhduar edhe operacionin në fshatin Restelicë të Dragashit, në kërkim të personit të fundit që dyshohet se gjendet nën gërmadhat e shkaktuara nga orteku i së shtunës. Kështu konfirmon komandanti i operacioneve të kërkim shpëtimit në FSK, Mehmet Lladrovci i cili thotë se janë bërë gërmime shumë të mëdha dhe se operacioni do të vazhdoj deri në gjetjen e personit të fundit.
Lladrovci thekson se moti është i përshtatshëm dhe ekipet janë duke vazhduar kërkimin e viktimës së dhjetë të kësaj tragjedie, që është një djalë 20 vjeç i familjes Reka.
Ndërkohë varrimi i nëntë viktimave të tragjedisë që goditi këtë fshat është bërë sot pasdite, ka konfirmuar Lladrovci.
Për shkak të rrezikut që mund t’iu kanoset, shumë banorë të zonave ku është shfaqur orteku, janë zhvendosur në brendi të fshatit, ku janë më të sigurt, ka deklaruar, koordinatori i ekipit për shpëtim në fshatin Restelicë, imami Shaban Haxhi.
Në nderim të viktimave të tragjedisë së të shtunës, Presidentja e Republikës së Kosovës, Atifete Jahjaga ka shpallur ditën e sotme ditë zie shtetërore.
Ndërkaq presidenti i Shqipërisë Bamir Topi, kryeministri Sali Berisha dhe kryetari i Partisë Socialiste, Edi Rama ngushëlluan Kosovën dhe familjet e viktimave të ortekut në Restelicë të Dragashit.

Ngujohen edhe 4 persona në Restelicë

Rreth katër persona të tjerë të rrethinës së fshatit Restelicë raportohet se janë të bllokuar nga bora në stanet e tyre në bjeshkë.
Komandanti i Forcës së Sigurisë së Kosovës Kadri Kasatrati tha për Radion Evropa e Lirë se këta persona nuk janë në rrezik, por kanë kërkuar ndihmë.
“Ne kemi bërë kërkesë zyrtare te komandanti i KFOR-it që me anë të helikopterit nga ajri t’u lëshohen ndihmat si: ushqim, ujë dhe veshmbathje. Ata nuk janë të rrezikuar”, bëri të ditur Kastrati.
Ai po ashtu tha se në fshatin Restelicë është duke vazhduar aksioni i kërkimit të një të riu që dyshohet se ndodhet nën rrënojat e shtëpisë së goditur nga orteku i borës.
Në këtë aksion po marrin pjesë rreth 150 pjesëtarë të FSK-së.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31